আজি ফলাফল ঘোষণা হোৱা এই বছৰৰ হাইস্কুল শিক্ষান্ত পৰীক্ষাত ৰাজ্যৰ ভিতৰতে প্ৰথম স্থান লাভ কৰি দৰঙ জিলালৈ গৌৰৱ কঢ়িয়াই আনিলে স্থানীয় বানেকুছিৰ ধৃতিৰাজ বাস্তৱ কলিতাই । সৰ্বমুঠ ৫৯৫ নম্বৰ লাভ কৰি প্ৰথম স্থান দখল কৰে দৰঙৰ ছাত্ৰ জনে । বৰমপুৰ জাতীয় বিদ্যালয়ৰ ছাত্ৰ ধৃতিৰাজৰ ফলাফলত উৎফুল্লিত বিদ্যালয় খনৰ শিক্ষক, শিক্ষাৰ্থী, অভিবাবক তথা দৰঙৰ ৰাইজ ৷ ভৱিষ্যতে চিকিৎসক হোৱাৰ সপোন পুহি ৰখা ধৃতিৰাজ বাস্তৱ কলিতা এক সু -কন্ঠৰো অধিকাৰী ৷ ইতিমধ্যে বানেইকুছিৰ ঘৰখনত কৃতি ছাত্ৰজনক শুভেচ্ছা জনাবলৈ যথেষ্ট লোকৰ ভিৰ পৰিলক্ষিত হৈছে ৷ ছিপাঝাৰ সমষ্টিৰ বিধায়ক বিনন্দ কুমাৰ শইকীয়াই প্ৰথম স্থানপ্ৰাপ্ত ধৃতিৰাজ বাস্তৱ কলিতাক অভিনন্দন জনায় ৷
