ছিংগাপুৰৰ এখন আদালতে ভাৰতীয় বংশোদ্ভূত এহাল দম্পতীক এগৰাকী ঘৰুৱা কাম কৰা মেইডক নিয়োগ কৰা আৰু কেন্দ্রীয় মন্ত্ৰালয়ৰ দ্বাৰা ব্লেকলিষ্ট কৰা স্বত্তেও আইনী প্ৰক্ৰিয়াত ব্যাঘাত জন্মোৱাৰ বাবে কাৰাগাৰৰ শাস্তি প্ৰদান কৰে।
চৈয়দ মহম্মদ পিৰান চৈয়দ আমিৰ হামজাই তেঁওৰ ব্যৱসায়িক সহযোগীৰ পৰিচয় ব্যৱহাৰ কৰি এজন ইণ্ডোনেছিয়াৰ ঘৰুৱা সহায়ক নিয়োগ কৰিবলৈ মন্ত্ৰালয়ৰ ব্লেকলিষ্ট অমান্য কৰিছিল। দুয়োকে ৩৬ সপ্তাহৰ কাৰাদণ্ড দিয়া হৈছে।
৪১ বছৰীয়া হামজাই আইনী প্ৰক্ৰিয়াত বাধা দিয়া আৰু তেওঁৰ সহকৰ্মীক কামৰ পাছ প্ৰাপ্ত কৰাৰ বাবে মিছা তথ্য দিবলৈ উদগনি দিয়াৰ অভিযোগ স্বীকাৰ কৰিছে। হামজাৰ পত্নী চাবা পাৰবীন ভাৰতৰ স্থায়ী বাসিন্দা। অপৰাধ স্বীকাৰ কৰাৰ পিছত তেওঁক তিনি দিনৰ কাৰাদণ্ড দিয়া হৈছিল। দম্পতিহালৰ ইণ্ডোনেছিয়াৰ ঘৰুৱা সহায়ক আমিনাই এটা অভিযোগ দাখিল কৰিছিল যে দম্পতিহালে তাইৰ সৈতে দুৰ্ব্যৱহাৰ কৰিছিল।
তদুপৰি, জিলা ন্যায়াধীশ জেনিফাৰ মেৰীয়ে ৰায় দিছিল যে আমিনাক প্ৰতিদিনে পৰ্যাপ্ত বিশ্ৰাম নিদিয়াৰ বাবে দম্পতিহালক মুকলি কৰাৰ পিছতো নিৰ্দোষী বুলি সাব্যস্ত কৰিব নোৱাৰি, অৰ্থাৎ যদি তেঁওৰ বিৰুদ্ধে নতুন প্ৰমাণ ওলায়, তেন্তে ভৱিষ্যতে এই অভিযোগবোৰৰ ওপৰত তেঁওৰ বিৰুদ্ধে মোকৰ্দমা চলাব পাৰি। উল্লেখ্য যে চাবাক ২০১৪ চনত ইচ্ছাকৃতভাৱে তেওঁৰ ঘৰুৱা সহায়কক ক্ষতি কৰাৰ বাবে দোষী সাব্যস্ত কৰা হৈছিল আৰু দম্পতীহালক ৩০ জুন, ২০১৯ লৈকে ব্লেকলিষ্টত ৰখা হৈছিল। হামজাই তেতিয়া তেওঁৰ সহকৰ্মী সুৰেশ মুৰুগায়ানক তেওঁৰ নামত ঘৰুৱা সহায়ক নিয়োগ কৰিবলৈ প্ৰেৰিত কৰিছিল যি তেওঁৰ ঘৰুৱা কাম কৰিব পাৰে।