নিউজ ডেস্ক, ৬ ফ্ৰেব্ৰুৱাৰীঃ মহানগৰীৰ নিউ গুৱাহাটীৰ হনুমান মন্দিৰৰ সমীপত সংঘটিত হোৱা পথ দুৰ্ঘটনাত গুৰুতৰ ভাৱে আঘাতপ্ৰাপ্ত হোৱা নুনমাটি থানাৰ কনিষ্টবল তথা শুৱালকুচি নিবাসী কৃষ্ণ মহন্তৰ আজি দুপৰীয়া
এখন ব্যক্তিগত চিকিৎসা লয়ত চিকিসাধীন অৱস্থাত মৃত্যু হয়।মৃত্যুৰ সময়ত তেওঁৰ বয়স আছিল ৩৭ বছৰ।আৰক্ষী সূত্ৰে জানিব পৰা মতে যোৱা ২৩ জানুৱাৰীত নুনমাটি থানাত নিজৰ কৰ্ম সম্পাদন কৰি ৰেপিডো বাইক সেৱা যোগে শুৱালকুচি স্থিত নিজ ঘৰলৈ আহি থকা সময়তে নিশা প্ৰায় ৯ বজাত নিউ গুৱাহাটী পথত সংঘটিত হয় পথ দুৰ্ঘটনাত মৃত্যু হয় ।সন্মুখৰ পৰা আহি থকা এখন বেলেনো বাহনে মটৰ চাইকেলত প্ৰচণ্ড জোৰে খুন্দা মৰাৰ ফলত গুৰুতৰ ভাৱে আঘাতপ্ৰাপ্ত হয় নুনমাটি আৰক্ষীৰ কনিষ্টবল কৃষ্ণ মহন্তসহ চালক জন।পিছত ঘটনাস্থলীৰ স্থানীয় নুনমাটি আৰক্ষী উপস্থিত হৈ আহত কৃষ্ণ মহন্তক উদ্ধাৰ কৰি গুৱাহাটী চিকিৎসা মহাবিদ্যালয় হাস্পাতালত ভৰ্তি কৰে আৰু লগতে দুৰ্ঘটনা সংঘটিত কৰা বাহনখন জব্দ কৰে।যোৱা প্ৰায় দুসপ্তাহ ধৰি জি এম চি এইচত চিকিসাধীন হৈ থকা কৃষ্ণ মহন্তৰ মগজুৰ প্ৰচুৰ ৰক্তক্ষৰণৰ বাবে যোৱা কালি ছয়মাইল স্থিত ৰহমান হাস্পাতালত ভৰ্তি কৰোৱা হয় যদিও আজি দিনৰ প্ৰায় ২.৩০ বজাত তেওঁৰ মৃত্যু হয়। ইফালে নুনমাটি আৰক্ষীয়ে মৃতদেহৰ মৰণোত্তৰ পৰীক্ষা সম্পন্ন কৰি পৰিয়ালক দিব। অতি অমায়িক,শান্ত স্বভাৱৰ কৃষ্ণ মহন্তৰ মৃত্যুত স্বাভাৱিকতে সমগ্ৰ নুনমাটি অঞ্চলতে গভীৰ শোকৰ ছাঁ পৰিছে। কাইলৈ কৃষ্ণ মহন্তৰ নস্বৰ দেহ নুনমাটি থানালৈ অনা হব আৰু ইয়াতেই থানাৰ সতীৰ্থ সকলে নস্বৰ দেহত শেষ শ্ৰদ্ধাঞ্জলি নিবেদন কৰাৰ পিছত শুৱালকুচিস্থিত নিজ গাঁও ডেকাবাপু সত্ৰলৈ নিয়া হব।
