দিল্লীৰ ইণ্ডিয়া গেটৰ সন্মুখত স্থাপন কৰা হ’ব ভাৰতৰ স্বাধীনতা যুঁজৰ আইকন সুভাষ চন্দ্ৰ বসুৰ এটা প্ৰতিমূৰ্তি। আজি প্ৰধানমন্ত্ৰী নৰেন্দ্ৰ মোদীয়ে টুইটযোগে এই ঘোষণা কৰে।
প্ৰধানমন্ত্ৰী মোডীয়ে এখন ছবি শ্বেয়াৰ কৰি কয় যে প্ৰতিমূৰ্তিটো সাজু নোহোৱালৈকে সেই স্থানত সুভাষ চন্দ্ৰ বসুৰ এটা হলোগ্ৰাম স্থাপন কৰা হ’ব।
Related Posts
এসময়ত ইংলেণ্ডৰ ৰজা পঞ্চম জৰ্জৰ প্ৰতিমূৰ্তি থকা স্থানত প্ৰতিষ্ঠিত হ’ব ২৮ ফুট উচ্চতাৰ নেতাজীৰ মূৰ্তিটো। উল্লেখ্য যে ১৯৬৮ চনত পঞ্চম জৰ্জৰ মূৰ্তিটো স্থানান্তৰ কৰা হৈছিল।
“যি সময়ত সমগ্ৰ দেশে নেতাজী সুভাষ চন্দ্ৰ বসুৰ ১২৫ তম জন্ম জয়ন্তী উদযাপন কৰি আছে, সেই সময়ত মই আনন্দিত যে গ্ৰেনাইটেৰে নিৰ্মিত তেওঁৰ বিশাল মূৰ্তি ইণ্ডিয়া গেটত স্থাপন কৰা হ’ব। এয়া তেওঁৰ প্ৰতি ভাৰতৰ কৃতজ্ঞতাৰ প্ৰতীক হ’ব” প্ৰধানমন্ত্ৰী মোদীয়ে টুইটযোগে কয়।