ৰাজ্যৰ নিবনুৱা বাবে সু-খবৰ

বিত্ত মন্ত্ৰী অজন্তা নেওগৰ নেতৃত্বত উচ্চ পৰ্যায়ৰ সমিতিয়ে বিভিন্ন বিভাগত ৮০,০০০ খালী পদ চিনাক্ত কৰিছে আৰু নেওগে বিভাগসমূহক নতুন পদ সৃষ্টিৰ ক্ষেত্ৰত তেওঁলোকৰ নিজ নিজ প্ৰস্তাৱ দাখিল কৰিবলৈ চাৰি দিনসময় দিছে। নেওগে সোমবাৰে বিভাগসমূহৰ মুৰব্বীসকলৰ সৈতে বৈঠকত সভাপতিত্ব কৰি তেওঁলোকৰ খালী পদসমূহৰ স্থিতি নিৰ্ধাৰণ কৰে বৈঠকখন বিজেপিৰ এবছৰত এক লাখ যুৱকক চাকৰি প্ৰদানকৰাৰ নিৰ্বাচনী প্ৰতিশ্ৰুতিৰ অংশ আছিল। বিত্ত মন্ত্ৰীয়ে মুখ্য সচিব জিষ্ণু বৰুৱাৰ সৈতে এখন মূল সমিতি গঠন কৰে। কিয়নো সমিতিখনে স্বচ্ছতা নিশ্চিত কৰাৰ উপৰিও নিযুক্তি প্ৰক্ৰিয়া ত্বৰান্বিত কৰিব। নেওগে কৈছিল যে নিযুক্তি প্ৰক্ৰিয়াত স্বাস্থ্য, শিক্ষা আৰু গৃহ বিভাগবোৰে অগ্ৰাধিকাৰ পাব”, নতুনকৈ সৃষ্টি কৰা জিলাসমূহত খালী পদসমূহ পূৰণ কৰা আৰু তৃতীয় আৰু চতুৰ্থ শ্ৰেণীৰ খালী পদসমূহ পূৰণ কৰাটোও অগ্ৰাধিকাৰ তালিকাত আছে,” তেওঁ কয়। তেওঁ আৰু কৈছিল যে বিভাগসমূহৰ মুৰব্বীৰ পৰা প্ৰতিবেদন পোৱাৰ পিছত তেওঁ সেইটো মুখ্যমন্ত্ৰীৰ সৈতে ভাগ বতৰা কৰিব, আৰু তেওঁৰ নিৰ্দেশনা অনুসৰি নিযুক্তি প্ৰক্ৰিয়া আৰম্ভ কৰিব। মই সকলো বিভাগৰ মুৰব্বীক নিযুক্তি প্ৰক্ৰিয়াটো স্বচ্ছ কৰি তুলিবলৈ আহ্বান জনাইছো, ইয়াক সফল কৰিবলৈ তেওঁলোকৰ সহযোগিতা অতি আৱশ্যক,” তেওঁ লগতে কয়। বিভাগসমূহৰ মুৰব্বীসকলে খালী পদসমূহৰ পদউপস্থাপন কৰে, লগতে নতুন পদ সৃষ্টিৰ পৰিসৰ উপস্থাপন কৰে।