নিউজ ডেস্ক, ৩১ জানুৱাৰী: ১ফেব্ৰুৱাৰীত ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ জন্মদিন ৷ মুখ্যমন্ত্ৰীৰ জন্মদিনৰ বিশেষভাৱে আমন্ত্ৰিত কেইজনমান অতিথিক লৈ এতিয়া ব্যাপকৰূপত চৰ্চা হোৱা পৰিলক্ষিত হৈছে ৷ এই বিশেষ দিনটোত মুখ্যমন্ত্ৰী গৰাকীৰ অতিথি হিচাপে গুৱাহাটীলৈ আহিব মাজুলীৰ ৪৭ জনকৈ ভাগিন। মুখ্যমন্ত্ৰীৰ সৈতে নৈশ ভোজত অংশ ল’ব মাজুলীৰ এই ভাগিনহতে । ঐতিহাসিক দক্ষিনপাট সত্ৰ, আউনীআটী সত্ৰৰ লগতে মাজুলীৰ ৪৭ জনকৈ কণমাণি ভাগিনক নিজৰ বিশেষ দিনটোৰ বাবে আমন্ত্ৰণ জনাইছে মুখ্যমন্ত্ৰী গৰাকীয়ে । ড৹ হিমন্ত বিশ্ব শৰ্মা মুখ্যমন্ত্ৰী হৈ মাজুলীলৈ অহাৰ সময়ত মাজুলী সত্ৰ ভ্ৰমন কৰোতে সত্ৰৰ কণমাণি বৈষ্ণৱ সকলৰ সৈতে সাক্ষাৎ হৈছিল । মুখ্যমন্ত্ৰী অহা খবৰ পাই সংগ দিছিল কণমাণি বৈষ্ণৱ কেইজনে । এতিয়া ১ফেব্ৰুৱাৰীত দক্ষিণ পাট সত্ৰৰ লগতে দুখন সত্ৰৰ শিশু বৈষ্ণৱ সহ ৪৭ জন ভাগিনে মুখ্যমন্ত্ৰীৰ জন্ম দিনত তেওঁৰ সৈতে আহাৰ গ্ৰহণ কৰিব।
Prev Post