বকোৰ যুৱক গুৱাহাটীত অপহৰণ নে আত্মগোপন?

ধনমণি মেধি,বকো, ২ ফ্ৰেব্ৰুৱাৰীঃ বকোৰ এজন যুৱক গুৱাহাটী মহানগৰীত নিৰুদ্দেশ। অপহৰণ নে আত্মগোপন সেয়া এক ৰহস্য। বকোৰ ৰংচিপাৰ নিবাসী ২৬ বছৰীয়া যুৱকজনৰ নাম প্ৰণৱ ৰাভা।এমাহ পাৰ হৈ যোৱাৰ পিছতো কিন্তু বৰ্তমানলৈ নাই কোনো শুংসূত্ৰ। পৰিয়ালৰ লোকে আৰক্ষীক এজাহাৰ দিয়াৰ পিছতো আৰক্ষীয়ে দিব পৰা নাই তথ্য। যুৱকজনে এবছৰ ধৰি ভিনিয়েকৰ লগত ট্ৰাকৰ হেণ্ডিমেনৰ কাম কৰি আছিল।
                 যোৱা ২৪ ডিচেম্বৰৰ নিশা বেলতলাৰ নিজ কাৰ্যালয়ৰ পৰা হঠাৎ নিৰুদ্দেশ হয় যুৱকজন। তাৰপিছতেই বশিষ্ট আৰক্ষী চকীত নিৰুদ্দেশ সম্পৰ্কে এজাহাৰ দাখিল কৰে যদিও আৰক্ষীয়ে দিব পৰা নাই কোনো তথ্য। অৱশেষত সংবাদ মাধ্যমৰ জৰিয়তে যুৱকজনক বিচাৰি আবেদন কৰিছে পৰিয়ালৰ লোকে।