ইজৰাইল-গাজা সংঘৰ্ষ: নেতানিয়াহুৱে আক্ৰমণ অব্যাহত ৰখাৰ প্ৰতিশ্ৰুতি দিছে
ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে ৰকেট আক্ৰমণৰ প্ৰতি “বলপূৰ্বক সঁহাৰি দিয়া অব্যাহত ৰাখিবলৈ” প্ৰতিশ্ৰুতি দিছে যিহেতু গাজাত পেলিষ্টাইনিসকলৰ সৈতে সংঘৰ্ষ সপ্তম দিনত প্ৰৱেশ কৰিছে।
গাজাত ইজৰাইলৰ বিমান আক্ৰমণত দেওবাৰে পুৱতি নিশা কমেও তিনিজন পেলিষ্টাইনি নিহত হয়।
পেলিষ্টাইনি উগ্ৰপন্থীসকলে আভিভৰ ফালে ৰকেট নিক্ষেপ কৰে, যাৰ ফলত তাত থকা লোকসকল পলাই যায়।
শনিবাৰে, আমেৰিকা যুক্তৰাষ্ট্ৰৰ ৰাষ্ট্ৰপতি জো. বিডেনে মিঃ নেতানিয়াহু আৰু পেলিষ্টাইনি ৰাষ্ট্ৰপতি মাহমুদ আব্বাছক ফোন কৰি পৰিস্থিতিটোৰ বিষয়ে উদ্বেগ প্ৰকাশ কৰে।
ৰাষ্ট্ৰসংঘৰ নিৰাপত্তা পৰিষদৰ এখন বৈঠক দেওবাৰৰ পিছত অনুষ্ঠিত হ’ব
সোমবাৰে যুদ্ধ আৰম্ভ হোৱাৰ পৰা গাজাত কমেও ১৪৮ জন লোক নিহত হৈছে বুলি পেলিষ্টাইনি বিষয়াসকলে জানিবলৈ দিয়ে আৰু ইজৰাইলে দুটা শিশুসহ ১০ জন লোকৰ মৃত্যু হোৱাৰ খবৰ দিছে। ইজৰাইলে কয় যে গাজাত মৃতসকলৰ ভিতৰত বহু সংখ্যক উগ্ৰপন্থী, আনহাতে পেলিষ্টাইনি স্বাস্থ্য বিষয়াসকলে কয় যে মৃত্যুৰ সংখ্যাত ৪১ টা শিশু অন্তৰ্ভুক্ত আছে।
টেলিভিছনত দিয়া ভাষণত শ্ৰীযুত নেতানিয়াহুৱে কয়
“এই সংঘৰ্ষৰ বাবে দোষ কৰা দলটো আমি নহয়, আমাক আক্ৰমণ কৰা দল,”
গাজা হিংসাক লৈ লণ্ডনত হাজাৰ হাজাৰ লোকৰ প্ৰতিবাদ
যোৱা ছয় দিনধৰি হোৱা হিংসাত্মক ঘটনাটো পূব জেৰুজালেমত ইজৰাইল- পেলিষ্টাইনৰ উত্তেজনা বৃদ্ধি হোৱাৰ পিছত হৈছিল, যাৰ ফলত মুছলমান আৰু ইহুদী উভয়েই শ্ৰদ্ধা কৰা এটা পবিত্ৰ স্থানত সংঘৰ্ষৰ পৰিণতি ঘটিছিল। গাজা পৰিচালনা কৰা পেলিষ্টাইনি উগ্ৰপন্থী গোট হামাছে ইজৰাইলক সেই স্থান প্ৰত্যাহাৰ কৰিবলৈ সতৰ্ক কৰি দিয়াৰ পিছত ৰকেট নিক্ষেপ আৰম্ভ কৰে, যাৰ ফলত প্ৰতিশোধমূলক বিমান আক্ৰমণ আৰম্ভ হয়।