নিউজ ডেস্ক, ২০ জুন : সোমবাৰে BTRৰ অন্তৰ্গত কোকৰাঝাৰ জিলাত এক শোকাৱহ দুৰ্ঘটনা সংঘটিত হৈছে।
গোসাইগাওঁৰ চৌটাৰা ৰেল ষ্টেচনৰ ওচৰত চলন্ত ৰে’লৰ পৰা পৰি মৃত্যু হৈছে এজন যুৱকৰ ।
মৃত যুৱকজন ধুবুৰী জিলাৰ বিলাসীপাৰাৰ গোৱালেশ্বৰৰ বাসিন্দা নিজাম আলী বুলি চিনাক্ত কৰা হৈছে ।
খবৰ অনুসৰি, আলী আৰু তেওঁৰ বন্ধুবৰ্গ কামৰ সন্ধানত Secunderabadলৈ গৈছিল, আৰু দুজন বন্ধুৰ সৈতে চেকেন্দ্ৰাবাদৰ পৰা ঘৰলৈ উভতি আহি আছিল আৰু তেওঁ হঠাতে ৰেলৰ পৰা বাগৰি পৰে আৰু মৃত্যুবৰণ কৰে। অৱশ্যে তেওঁ কোনেকৈ ৰে’লৰ পৰা পৰিল সেয়া এতিয়াও অস্পষ্ট ।
।
তেওঁৰ দুজন বন্ধুৱে কৈছে যে আলীয়ে বাথৰুমলৈ বুলি গৈছিল, আৰু আন এজন যাত্ৰীয়ে পিছত জনাইছিল যে আলী ৰেলৰ পৰা পৰি গৈছিল।
লগে লগে, তেওঁলোকে ৰেলখন ৰখাবলৈ চেইনটো টানিছিল আৰু ট্ৰেকত আলীৰ নিষ্প্ৰাণ মৃতদেহটো পাইছিল।
ইফালে, আৰক্ষী ঘটনাস্থলীত উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে।