Woman goes missing : ৰহাত বিবাহিতা মহিলা নিৰুদ্দেশ; বিগত ৫ দিন ধৰি সন্ধানহীন কাবেৰী বড়ো দাস নামৰ মহিলা গৰাকী
নিউজ ডেস্ক, ১৪আগষ্ট : ৰাজ্যত পুনৰ নিৰুদ্দেশৰ ঘটনা । ৰাজ্যত দিনক দিনে বৃদ্ধি পাবলৈ ধৰিছে নিৰুদ্দেশৰ ঘটনা । ধাৰাবাহিকভাৱে সংবাদ মাধ্যমৰ শিৰোনামা দখল কৰি আহিছে নিৰুদ্দেশৰ ঘটনাই । এটাৰ পিছত আন এটা নিৰুদ্দেশৰ ঘটনাই জোকাৰি গৈছে ৰাজ্য(Woman goes missing)।
ৰহাৰ চিৰমলাৰ এগৰাকী বিবাহিতা মহিলা নিৰুদ্দেশ। বিগত ৫ দিন ধৰি সন্ধানহীন হৈ আছে মহিলা গৰাকী । ৰহাৰ চিৰমলাৰ প্ৰসেন দাস নামৰ যুৱক জনৰ পত্নী কাবেৰী বড়ো দাস শনিবাৰৰ পৰা সন্ধানহীন হৈ আছে।
সন্ধানহীন মহিলা গৰাকীৰ স্বামীয়ে জানিবলৈ দিয়া মতে শনিবাৰৰ দিনা তেওঁৰ পত্নী কাবেৰী বড়ো দাস ঘৰৰ পৰা সন্তানক বিদ্যালয়লৈ থবলৈ বুলি ওলাই গৈছিল। তেতিয়াৰ পৰাই মহিলা গৰাকী নিৰুদ্দেশ হৈ আছে।
ইপিনে শনিবাৰৰ পৰা বিভিন্ন স্থানত বিচাৰ-খোচাৰ কৰি পত্নীক নোপোৱাত আমচৈ আৰক্ষী চকীত ইতিমধ্যে এজাহাৰ দাখিল কৰিছে স্বামীয়ে। আৰক্ষীয়েও বৰ্তমান পৰ্যন্ত সন্ধান উলিয়াব পৰা নাই মহিলা গৰাকীৰ। কোনো সদাশয় ব্যক্তিয়ে তেওঁৰ পত্নীৰ সন্ধান পালে ৮৮১১০৪২৮৯৬ নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে।
লগতে পঢ়ক : Road accident in Jorhat : মৰ্মান্তিক দুৰ্ঘটনা; তীব্ৰবেগী ট্ৰাকে মহতিয়াই নিলে বৃদ্ধক