নিউজ ডেস্ক,২৪জুলাই : ৪ দিন উকলি যোৱাৰ পাছতো সন্ধান নাই ৰমেন বৰুৱাৰ । ৰমেন বৰুৱাক বিচাৰি ধুবুৰীৰ ভাৰত-বাংলা সীমান্তলৈকে SDRFৰ অভিযান। শুৱালকুছিৰ ব্রহ্মপুত্রৰ ৰাজঘাটতো অভিযান SDRF ৰ । ৰমেন বৰুৱাৰ নিৰুদ্দেশক লৈ উদ্বিগ্নতা পৰিয়াল, গুণমুগ্ধৰ মাজত ।
শিল্পীগৰাকীৰ সন্ধানত মহানগৰীৰ বিভিন্ন স্থানত আৰক্ষীৰ অভিযান । তাৰ পিছতো কোনো ধৰণৰ সন্ধান উলিওৱা পৰা নাই শিল্পীগৰাকীৰ ।
উল্লেখ্য যে, সোমবাৰে পুৱাই ঘৰৰ পৰা ওলাই গৈছিল বিশিষ্ট সংগীত পৰিচালকগৰাকীয়ে । তাৰ পিছৰে পৰা কোনো সন্ধান নাই বিশিষ্ট সংগীত পৰিচালকগৰাকীৰ ।
শিল্পীগৰাকীৰ আত্মীয়-স্বজন, গুণমুগ্ধৰ লগতে গুৱাহাটী আৰক্ষীয়ে তেওঁৰ সন্ধানত অভিযান অব্যাহত ৰাখিছে যদিও এই পৰ্যন্ত তেওঁৰ কোনো সম্ভেদ লাভ কৰিবলৈ সক্ষম হোৱা নাই।
ইফালে গুৱাহাটী উচ্চ ন্যায়ালয়ৰ চিচি কেমেৰাত অন্তিমবাৰৰ বাবে তেওঁৰ দৃশ্য আবদ্ধ হৈছিল। বগা কুৰ্তা-পাইজামা পৰিহিত অৱস্থাৰে গহীন-গম্ভীৰ খোজেৰে তেওঁ যি দিশে আগবাঢ়ি গৈছিল (Veteran Musician Ramen Barua missing)।তাৰ পিছৰে পৰা আৰক্ষীয়ে অভিযান চলাই আছে যদিও কোনো ধৰণৰ সন্ধান উলিওৱা পৰা নাই।
লগতে পঢ়ক : Army officer imposter arrested in Shillong : নিজকে কেপ্টেইন বুলি পৰিচয় দি গ্ৰেপ্তাৰ যুৱক