ULFA (I) Interrogation: Explosive Confession of Spy Manash : পুনৰ গুপ্তচৰ মানস বৰগোহাঁইৰ ভিডিঅ’ প্ৰেৰণ !
নিউজ ডেস্ক, ৩০ জানুৱাৰী : পুনৰ সংবাদ মাধ্যমলৈ মানস বৰগোহাঁইৰ ভিডিঅ’ প্ৰেৰণ। প্ৰেৰণ কৰা ভিডিঅ’ত বহু বিস্ফোৰক দাবী মানসৰ বৰগোহাঁইৰ।
প্ৰেৰণ কৰা ভিডিঅ’ ত মানসে উল্লেখ কৰা অনুসৰি , “মই মিছা কথা কোৱা নাই ৷ মোৰ যি প্ৰকৃত পৰিচয়, মই সত্য কথা কৈছো ৷ মই Special Branch ৰ এজন উপ-পৰিদৰ্শক ৷ মই এবাৰ নহয় হাজাৰবাৰ কম, মই কোনো মিছা কথা কোৱা নাই ৷ মোৰ আৰক্ষীত নিযুক্তিৰ পিচতে সেই কথা মই মোৰ দেউতাকক জনাইছিলো ৷ ৰাইজক মই ক’ব খুজিছো, আপোনালোকে বেলতলাৰ ৰ’য়েল এনক্লেভ ফ্লেটটোত যাওঁক আৰু খবৰ লওক তাত কিহৰ প্ৰশিক্ষণ চলে ৷ ”মানস চলিহাক সোধক, তৃষ্ণা সন্দিকৈক সোধক, তেখেতে আমাক প্ৰশিক্ষণ দিছিল(ULFA (I) Interrogation: Explosive Confession of Spy Manash) ৷
লগতে মানসে কয় যে, মোৰ লগত যিসকলে প্ৰশিক্ষণ লৈছিল তেওঁলোকক মই বিনম্ৰ অনুৰোধ জনাইছো, কাবেৰী, অংকিতা, চয়নিকা, নোমল, ৰিতুৰাজ তোমালোকো আমাৰ লগত প্ৰশিক্ষণ লৈছিলা, তোমালোকে মোক কিয় পাহৰি গৈছা ? এই আলফা বিৰোধী যুঁজত আমাক কিদৰে ব্যৱহাৰ কৰা হৈছিল তোমালোকেও জানে ৷ মানস চলিহাই আমাক বাৰে বাৰে ব্ৰেইনৱাশ্ব কৰিছিল, আমাক প্ৰস্তুত কৰিছিল আলফাৰ বিৰুদ্ধে যুঁজ দিবলৈ ৷ আমাক প্ৰশাসনে প্ৰলোভনে দিছিল ৷ আপোনালোকক আৰু প্ৰমাণ কি দিম ৷ মোৰ মোবাইল নম্বৰটো লৈ কল ডিটেইলছ উলিয়াই চাওঁক ৷ মোৰ বেছিসংখ্যক ফোনেই আৰক্ষীৰ লগত আছিল ৷ মোৰ নম্বৰটো হৈছে 7896411176 , এইটো মোৰ ব্যক্তিগত মোবাইল নম্বৰ(ULFA (I) Camp: Manash Boragohain’s Video Confession) ৷”
“মই মোৰ সতীৰ্থসকলক ক’ব খুজিছো, তোমালোকে আৰু ভুল নকৰিবা, মই বহুত ভুল কৰিলো ৷ আজি মই বিপদত পৰোতে মোক সকলোৱে গা এৰা দিলে ৷ আলফাৰ প্ৰতি থকা আমাৰ বেয়া ভাৱ মনৰ পৰা উলিয়াই দিয়া ৷ তিনিটা অপাৰেচনৰ দায়িত্ব দিয়া হৈছিল আমাক। এইটো মোৰ দ্বিতীয় অপাৰেচন আছিল। প্ৰথমটো অপাৰেচন খানাপাৰাত সফল কৰিছিলো।’’ এই বিস্ফোৰক ভাষ্য মানসৰ বৰগোহাঁইৰ।
উল্লেখ্য যে আলফা (স্বা) ৰ শিবিৰত অসম আৰক্ষীৰ হৈ চোৰাংচোৱাগিৰি কৰাৰ অপৰাধত গোলাঘাটৰ জিলাৰ সৰুপথাৰৰ মৰাণগাঁৱৰ যুৱক মানস বৰগোঁহাইক আটক কৰি দেওবাৰে এক ভিডিঅ’বাৰ্তা জাৰি কৰি সংগঠনটোৱে অসম আৰক্ষীৰ বিৰুদ্ধে গুৰুতৰ অভিযোগ আনিছিল ৷