সোণাপুৰ,৩০জানুৱাৰী : ক্ষেত্ৰীত সক্ৰিয় হৈ পৰিছে বাইক চোৰৰ গেং।
বুধবাৰে ক্ষেত্ৰী আৰক্ষীৰ জালত পৰিল দুই গভাইত চোৰ।
দীৰ্ঘদিনৰে পৰা বাইক চুৰিৰে ক্ষেত্ৰী অঞ্চলত সন্ত্ৰাসৰ সৃষ্টি কৰিছিল দুই গভাইত চোৰে(Two bike thieves arrested)।
ক্ষেত্ৰী আৰক্ষী থানাৰ বিষয়া তন্ময় নাথৰ নেতৃত্বত চলা অভিযানত যোৰাবাটৰ অসম-মেঘালয় সীমান্তৰ পীঠাগোগৰ পৰা আটক কৰে দুই গভাইত বাইক চোৰক।
আটকাধীন বাইক চোৰ দুটা ভৱেশ ডেকা আৰু আকাশ ওৰাং।
বুধবাৰে পুৱাও ডিমৰীয়া মহাবিদ্যালয়ত পৰীক্ষা দিবলৈ অহা এগৰাকী শিক্ষাৰ্থীৰ পৰা চোৰ কৰিছিল এখন KTM বাইক।
পৰৱৰ্তী সময়ত ক্ষেত্ৰী আৰক্ষীক ছাত্ৰজনে অভিযোগ দাখিল কৰাৰ পিছতে আৰক্ষীয়ে অভিযান চলাই আটক কৰে দুই গভাইত বাইক চোৰক।
আনহাতে চুৰি হোৱা বাইকখনো উদ্ধাৰ কৰে আৰক্ষীয়ে।
আনহাতে ধৃত চোৰ দুটাৰ স্বীকাৰ কৰে যে বাইকৰ চুৰি লগত সিহঁত জড়িত।
ইপিনে আৰক্ষী সূত্ৰই জনোৱা মতে, চুৰি কৰা বাইকসমূহ মেঘালয়ত বিক্ৰী কৰে ধৃত দুই চোৰে।
লগতে পঢ়ক:Sonapur Gang Rape case :বান্ধৱীৰ সৈতে ফুৰিবলৈ আহি দলবদ্ধ ধৰ্ষণৰ বলি উত্তৰ গুৱাহাটীৰ যুৱতী