নেশ্যনেল ডেস্ক, ২৬ নৱেম্বৰ : এক মৰ্মান্তিক দুৰ্ঘটনা । চাৰি চকীয়া বাহন আৰু ট্ৰেইলৰৰ মাজত সংঘৰ্ষ ।ফলত মৃত্যু চাৰিজনকৈ লোক । গুৰুতৰভাৱে আহতভাৱে দুজন লোক ।
উত্তৰ প্ৰদেশৰ মিৰ্জাপুৰত সংঘটিত হয় এক ভয়ংকৰ পথ দুৰ্ঘটনা । শনিবাৰে মাজ নিশা উত্তৰ প্ৰদেশৰ মিৰ্জাপুৰত চকীয়া বাহন আৰু ট্ৰেইলৰৰ মাজত সংঘৰ্ষ হয়(Mirzapur Accident) ।
জানিব পৰা মতে, শনিবাৰে মাজ নিশা আদলহাট আৰক্ষী থানাৰ ছিকিয়াত অৱস্থিত পেট্ৰ’ল পাম্পৰ সমীপত সংঘটিত হয় দুৰ্ঘটনাটো( Tragic Road Accident in Mirzapur) ।
প্ৰাপ্ত তথ্য অনুসৰি, এখন চাৰিচকীয়া বাহনত বিবাহ অনুষ্ঠানৰ পৰা ঘৰৰ অভিমুখে উভতি আহি আছিল ৷ তেনেতে চাৰিচকীয়া বাহনখনৰ সৈতে এখন ট্ৰেইলৰৰ মুখামুখি সংঘৰ্ষ হয় । এই দুৰ্ঘটনাটো ফলত চাৰিচকীয়া বাহনখন বেয়াকৈ ক্ষতিসাধন হয় । তাৰ পাচতে অঞ্চলটোত সৃষ্টি হয় এক হুলস্থূলীয়া পৰিৱেশৰ ৷ ঘটনাৰ সম্পৰ্কে খবৰ দিয়া হয় আৰক্ষীক ৷ আৰক্ষীয়ে ঘটনাৰ সম্পৰ্কে খবৰ পোৱাৰ লগে লগে ঘটনাস্থলীত উপস্থিত হয় আৰু দুৰ্ঘটনাত পতিত হোৱা লোকলসকল উদ্ধাৰৰ ব্যৱস্থা কৰে ৷
আৰক্ষীৰ তথ্য অনুসৰি, দুৰ্ঘটনাত পতিত হোৱা চাৰিচকীয়া বাহনখনত মুঠ ৭ জন লোক আছিল । তাৰে চাৰিজন লোক থিতাতে নিহত হোৱাৰ লগতে আহত হয় দুজনকৈ লোক(Tragic Road Accident in Mirzapur four people Traveling in a Car Returning from a Wedding Died) ।
আহত লোকসকলক আৰক্ষীয়ে ততাতৈয়াকৈ চিকিৎসাৰ বাবে ট্ৰমা চেণ্টাৰলৈ প্ৰেৰণ কৰে ৷ স্থানীয় ৰাইজৰ সহযোগত আৰক্ষীয়ে এটি শিশুসহ দুজন লোকক অতি সংকটজনক অৱস্থাত চিকিৎসালয়লৈ প্ৰেৰণ কৰে ৷
ইফালে আৰক্ষীয়ে মৰণোত্তৰ পৰীক্ষাৰ বাবে মৃতদেহকেইটাও প্ৰেৰণ কৰিছে । ঘটনা সন্দৰ্ভত আৰক্ষীয়ে তদন্ত আৰম্ভ কৰিছে ৷ লগতে মৃত লোক কেইজনৰ আত্মীয়ৰ সন্ধানত আৰক্ষীয়ে যুগুত কৰিছে তথ্যও ৷