নিউজ ডেস্ক, ৭এপ্ৰিল : এক শোকাৱহ দুৰ্ঘটনা। নিহত এজন ।
গোৱালপাৰাৰ শলমাৰিৰ কল্যানপুৰত ১৭নং ৰাষ্ট্ৰীয় ঘাইপথত শনিবাৰে নিশা সংঘটিত হয় এক ভয়াৱহ পথ দুৰ্ঘটনা। তেল ডিপুৰ পৰা তেল ভৰাই ঘৰলৈ গৈ থকা অৱস্থাত যাত্ৰীবাহী বাছে পিছফালৰ পৰা এখন ডাম্পাৰত খুন্দিওৱাৰ ফলত সংঘটিত হয় দুৰ্ঘটনাটো।
প্ৰচণ্ড জোৰেৰে খুন্দা মৰাৰ ফলত বাছখনৰ ড্ৰাইভাৰ আৰু হেণ্ডিমেন গুৰতৰ বাবে আহত হয়(Tragic Road Accident in Goalpara)।
এই ভয়ংকৰ দুৰ্ঘটনাটো সংঘটিত হোৱাৰ পিছতে ঘটনাস্থলীত আগীয়া আৰক্ষী উপস্থিত হয় আৰু আহতকেইজনক ততাতৈয়াকৈ উদ্ধাৰ কৰি গোৱালপাৰা অসামৰিক চিকিৎসালয়লৈ প্ৰেৰণ কৰে।
এই ভয়ংকৰ দুৰ্ঘটনাত আহত হোৱা হেণ্ডিমেন মিঠুন দাসৰ চিকিৎসালয়তে মৃত্যু হয়।
জানিব পৰা মতে, মৃত হেণ্ডিমেন মিঠুন দাসৰ ঘৰ শলমাৰিৰ কল্যাণপুৰত(Tragic Road Accident in Goalpara)।
ইফালে সংকটজনক অৱস্থাত বাছখনৰ চালক ডিম্বেশ্বৰ ৰায়ক উন্নত চিকিৎসাৰ বাবে গুৱাহাটীলৈ প্ৰেৰণ কৰা হয়।