Tragic Road Accident :মৰ্মান্তিক দুৰ্ঘটনা; তীব্ৰবেগী ট্ৰাকৰ তলত সোমাল স্বামী-স্ত্ৰীৰ লগতে ৮ বছৰীয়া সন্তান;নিহত এজন
নিউজ ডেস্ক,১৩জুলাই : এক মৰ্মান্তিক দুৰ্ঘটনা । ট্ৰাকৰ খুন্দাত আহত স্বামী-স্ত্ৰীসহ তেওঁলোকৰ ৮ বছৰীয়া পুত্ৰ সন্তান।তেজপুৰৰ চকিঘাট দলঙত সংঘটিত হৈছে এই ভয়ংকৰ দুৰ্ঘটনাটো(Tragic Road Accident)৷
জানিব পৰা মতে, তেজপুৰ বালিশিহাৰ পৰা মণ্টু কোচ নামৰ লোকজনে পত্নী মঞ্জু কোচ আৰু ৮ বছৰীয়া পুত্ৰ সমীৰণক লৈ জামুগুৰিৰ আত্মীয়ৰ ঘৰলৈ গৈ আছিল এখন স্কুটীৰে ৷সেই সময়তে সন্মুখেৰে গৈ থকা এখন ট্ৰাকে হঠাৎ ব্ৰেক মৰাত নিয়ন্ত্ৰণ হেৰুৱাই স্কুটীখন ট্ৰাকৰ তলত সোমাই পৰে ।ফলত গুৰতৰভাৱে আহত হয় তিনিওজন ।
এই ভয়ংকৰ দুৰ্ঘটনাটো সংঘটিত হোৱাৰ পিছতে স্থানীয় লোকৰ তৎপৰতাত আটাইকে উদ্ধাৰ কৰি ১০৮ এম্বুলেঞ্চৰ সহায়ত তেজপুৰ কনকলতা অসামৰিক চিকিৎসালয়লৈ নিয়া হয় যদিও চিকিৎসকে স্কুটী চালক মণ্টু কোঁচৰ মৃত্যু হোৱা বুলি জনায়। আনহাতে, পত্নী আৰু পুত্ৰ দুয়ো গুৰুতৰভাৱে আঘাতপ্ৰাপ্ত তেজপুৰ কনকলতা অসামৰিক চিকিৎসালয়তে চিকিৎসাধীন হৈ আছে।
লগতে পঢ়ক : Businessman Found Murdered In Hatigaon : মহানগৰীৰ হাতীগাঁৱৰ সুন্দৰবন নগৰত হত্যাকাণ্ড