নিউজ ডেস্ক,৭এপ্ৰিল : ভয়ংকৰ পথ দুৰ্ঘটনা । নিয়ন্ত্ৰণ হেৰুৱাই ৰাজপথৰ ওপৰতে কেইবালুটি খালে টাটা ম’বাইল মিনিট্ৰাক । ফলত আহত ১৮জনকৈ শ্ৰমিক, সংকটজনক অৱস্থাত ৪জন(Tragic Accidents in Samaguri) ।
নগাঁও জিলাৰ চামগুৰিৰ হাঁহচৰা-বৰালিগাঁৱত সংঘটিত হৈছে এক ভয়ংকৰ পথ দুৰ্ঘটনা। নিয়ন্ত্ৰণ হেৰুৱাই ৰাজপথৰ ওপৰতে কেইবালুটি খালে এখন টাটা ম’বাইল মিনিট্ৰাক ।
জানিব পৰা মতে, টাটা ম’বাইল মিনিট্ৰাক ডিমাপুৰ-খটখটিৰ পৰা ধিং অভিমুখী গৈ আছিল আৰু সেই সময়তে সংঘটিত হয় এই ভয়ংকৰ দুৰ্ঘটনাটো । দুৰ্ঘটনাটোৰ ফলত ৰাজপথৰ ওপৰত বহু দূৰলৈকে চিটিকি পৰে মিনিট্ৰাকখনত থকা ১৮জনকৈ শ্ৰমিক। ফলত আহত হয় ১৮জনকৈ শ্ৰমিক, সংকটজনক অৱস্থাত ৪জন(Tragic Accidents in Samaguri, 18 Injured) ।
এই ভংয়কৰ দুৰ্ঘটনাটো সংঘটিত হোৱাৰ পিছতে ঘটনাস্থলীত অৰ্ধসামৰিক বাহিনীৰ জোৱানসকলে ৰাইজৰ সহযোগত আহতসকলক ততাতৈয়াকৈ উদ্ধাৰ কৰি নগাঁও অসামৰিক চিকিৎসালয়লৈ প্ৰেৰণ কৰে।
বৰ্তমান আৰক্ষীয়ে ঘটনা সন্দৰ্ভত তদন্ত আৰম্ভ কৰিছে ।