নিউজ ডেস্ক,৭ এপ্ৰিল : বনভোজকাৰীৰ বাহন দুৰ্ঘটনাগ্ৰস্ত । নিহত ২জন, আহত ৬জন ।
গোৱালপাৰাত সংঘটিত হৈছে এক ভংয়কৰ পথ দুৰ্ঘটনা । শনিবাৰে নিশা গোৱালপাৰা জিলাৰ দুধনৈ আমজোঙাস্থিত দীনদয়াল মহাবিদ্যালয়ৰ সমীপত ১৭ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা ৷ ফলত এই দুৰ্ঘটনাত থিতাতে নিহত হয় দুজন লোক, আহত হয় ৬ গৰাকীকৈ লোক । আহত লোক কেইজনৰ চাৰিগৰাকীৰ অৱস্থা অতি সংকটজনক বুলি জানিব পৰা গৈছে(Tragic Accidents in Goalpara) ৷
জানিব পৰা মতে, শনিবাৰৰ ৰাতিপুৱাৰ ভাগত গোৱালপাৰা-মেঘালয় সীমান্তৰ বাজেংদবা অঞ্চলৰ পৰা নাকাচিকং (হৌহোৱালৈ) বনভোজ খাবলৈ গৈছিল আটাইকেইজন । বনভোজ খাই ওভতি অহাৰ পথত আমজোঙাস্থিত দীনদয়াল মহাবিদ্যালয়ৰ সন্মুখত সংঘটিত হয় এই মৰ্মান্তিক পথ দুর্ঘটনাটো ।
এই দুৰ্ঘটনাটো থিতাতে নিহত হোৱা লোক দুজন ফ্ৰাছাং মাৰাক (১৪), জেনিথ মাৰাক(২১) বুলি জানিব পৰা গৈছে ৷ আনহাতে আহত কেইগৰাকীৰ পৰিচয় বৰ্তমানেও জানিব পৰা হোৱা নাই, যদিও আটাইৰে ঘৰ চুবুৰীয়া ৰাজ্য মেঘালয়ৰ বাজেংদবাত বুলি জানিব পৰা গৈছে ৷