Traffic Restrictions Imposed On Idol Immersion Day : বিজয়া দশমী উপলক্ষে মহানগৰীত যান-বাহন চলাচলৰ ক্ষেত্ৰত নিৰ্দেশনা
নিউজ ডেস্ক, ২৪অক্টোবৰ : আজি বিজয়া দশমী। ষষ্ঠীৰ বেদীত প্ৰতিষ্ঠা কৰা দেৱী দুৰ্গাক আজি যথা বিহিত ধৰ্মীয় ৰীতি-নীতি অনুসৰি পূজা–অৰ্চনাৰ অন্তত আজি অশ্ৰুসিক্ত নয়নেৰে বিদায় দিব ভক্তসকলে। প্ৰতিমা বিসৰ্জনেৰে সমাপ্ত হ’ব শাৰদীয় দুৰ্গোৎসৱৰ উচাহ। বিজয়া দশমী মানেই দুৰ্গা মা উভতি যোৱা। ৫ দিনীয়া পূজা–অৰ্চনাৰ অন্তত ম্লান পৰিব পূজা মণ্ডপসমূহ( Traffic Restrictions Imposed On Idol Immersion Day)।
বিজয়া দশমী উপলক্ষে মঙলবাৰৰ বাবে মহানগৰ আৰক্ষীয়ে জাৰি কৰিছে বিশেষ পথ নিৰ্দেশনা। গুৱাহাটী মহানগৰীৰ যান-জঁটৰ নিয়ন্ত্ৰণৰ বাবে মহানগৰ আৰক্ষীয়ে জাৰি কৰিছে এই নিৰ্দেশনাসমূহ। মহানগৰীৰ দুৰ্গা পূজাৰ উৎসৱৰ মাজতে জনসাধাৰণৰ সুৰক্ষা সুনিশ্চিত কৰিবলৈ গুৱাহাটী যান-বাহন আৰক্ষীয়ে ২৪ অক্টোবৰত দেৱী দুৰ্গা দেৱীৰ বিসৰ্জনৰ দিনটোত যান-বাহনৰ চলাচলত কিছু নিষেধাজ্ঞা আৰোপ কৰিছে।
২৪ অক্টোবৰৰ দুপৰীয়া ১২ বজাৰ পৰা তলত উল্লেখ কৰা নিষেধাজ্ঞা জাৰি কৰা হৈছে আৰু বিসৰ্জন সম্পূৰ্ণ নোহোৱালৈকে এই নিষেধাজ্ঞা বলবৎ থাকিব বুলি অসমৰ যান-বাহন গুৱাহাটী আৰক্ষী উপ আয়ুক্তৰ কাৰ্যালয়ৰ এক অধিসূচনাত উল্লেখ কৰা হৈছে।
কাচোমাৰী I.W.T.GHAT, Fancy Bazar ত যাতায়তৰ ব্যৱস্থা যান-বাহনৰ চলাচলৰ ওপৰত নিষেধাজ্ঞা(Restrictions on movement of vehicles )
চান্দমাৰী পৰা জালুকবাৰী ফাললৈ অহা মূৰ্তি কঢ়িওৱা বাহনৰ বাহিৰে সকলো বাহন এম চি ৰোডত প্ৰৱেশ কৰিব নোৱাৰিব আৰু তাৰ পৰিৱৰ্তে বি আৰ পি ৰোড, জি এন বি ৰোড, টি চি পইণ্ট আৰু আৰ বি আই পইণ্টৰ মাজেৰে ব্ৰীজ নৰ্থ পইণ্টৰ ওপৰেৰে পানবজাৰলৈ ডাইভাৰ্ট কৰিব লাগিব। ইয়াৰ পিছত বাহনসমূহে বাওঁফালে ঘূৰি নিজ নিজ গন্তব্যস্থানৰ বাবে এ টি ৰোডলৈ যাব লাগিব।
জি এন বি ৰোডৰ পৰা কে এল বি ৰোডলৈ জিলা পুথিভঁৰাল পইণ্টত মূৰ্তি কঢ়িয়াই নিয়া বাহনৰ বাহিৰে কোনো বাহন সোঁফাললৈ যাব নোৱাৰিব।
জালুকবাৰী, ভৰালুমুখ ফালৰ পৰা চান্দমাৰী, দিছপুৰ ফালৰ পৰা অহা সকলো যান-বাহন এম জি ৰোডৰ এপ’ল’ পইণ্টত নিয়ন্ত্ৰণ কৰি টি আৰ পি ৰোডেৰে ডাইভাৰ্ট কৰি তাৰ পিছত এইচ বি ৰোড বা এ টি ৰোডলৈ ডাইভাৰ্ট কৰিব লাগিব। এই বাহনসমূহ হয় এইচ বি ৰোড হৈ কে এল বি ৰোডলৈ (চান্দমাৰী, নুনমাটি আৰু গীতানগৰৰ ফালে) নহয় এ টি ৰোডলৈ (দিছপুৰ আৰু খানাপাৰাৰ ফালে) যাব লাগিব।
উজানবজাৰ, খাৰঘুলি আৰু নুনমাটিৰ পৰা অহা সকলো যান-বাহন নিয়ন্ত্ৰণ আৰু তায়াবুল্লাহ পথ আৰু জিএনবি পথত সলনি কৰা হ’ব(Traffic arrangement at Pandu Port during immersion)।
এপ’ল’ পেইণ্ট চাইডৰ পৰা টি আৰ পি ৰোড আৰু এইচ বি ৰোড একমুখী হ’ব লাগিব।
মালিগাঁও চাৰিআলিৰ পৰা পাণ্ডু অভিমুখে কোনো মূৰ্তি কঢ়িওৱা বাহন প্ৰৱেশ কৰিব নোৱাৰিব।
আদাবাৰী তিনিয়ালি হৈ পাণ্ডু বন্দৰ বিসৰ্জন ঘাটৰ দিশে যাব লাগিব মূৰ্তি কঢ়িয়াই নিয়া বাহন।
বিসৰ্জনৰ পিছত বাহনসমূহ কেৱল সদিলাপুৰ ৬ নং ৬ নং ৰাষ্ট্ৰীয় ঘাইপথেৰেহে চলাচল কৰিব পাৰিব।
বিসৰ্জনৰ বাহনসমূহ দুপৰীয়া ১২ বজাৰ পৰা যাব পাৰিব বিসৰ্জনস্থলীলৈ। কেৱল প্রতিমা বিসৰ্জনৰ বাহনহে উচ্চতম ন্যায়ালয় হৈ লাচিতঘাটলৈ যাব পাৰিব। আনহাতে প্রতিমা বিসৰ্জনৰ বাহন উলুবাৰী, টিচি ৰোডলৈ যাব নোৱাৰিব।তদুপৰি বি বৰুৱা ৰোড প্রতিমা বিসৰ্জনৰ বাহনৰ বাবে সম্পূৰ্ণ বন্ধ থাকিব। লগতে পাণ্ডু ঘাটলৈ কোনো বাহন মালিগাঁও হৈ যাব নোৱাৰিব বুলিও মহানগৰ আৰক্ষীয়ে নিৰ্দেশনা যোগে জনাইছে।
লগতে পঢ়ক : Bangladesh Train Collision : ভয়ংকৰ ৰে’ল দুৰ্ঘটনা; মৃত্যু ১৭জনৰ,আহত১০০ৰো অধিক