Theft in Gelakey : গেলেকীত চোৰৰ সন্ত্ৰাস; চোৰে দৰ্জা ভাঙি লুটি নিলে পাঁচ লক্ষাধিক টকাৰ সোণৰ আ- অলংকাৰ
গেলেকী,২৬ডিচেম্বৰ : গেলেকীত চোৰৰ সন্ত্ৰাস ।গেলেকী চাৰিআলিৰ বৰতাণী গাঁওৰ নিবাসী জিতুল গগৈৰ বাসগৃহত চোৰৰ সন্ত্ৰাস।জিতুল গগৈৰ বাসগৃহৰ পৰা পাঁচ লক্ষাধিক টকাৰ সোণৰ আ- অলংকাৰ লৈ উধাও চোৰ(Theft in Gelakey)।
ঘটনাৰ বিৱৰণী অনুসৰি, বৃহস্পতিবাৰে আবেলি ২ মান বজাত জিতুল গগৈ পৰিয়ালসহ বজাৰ কৰিবলৈ বুলি শিৱসাগৰলৈ গৈছিল।নিশা প্ৰায় ৮ মান বজাত ঘৰলৈ ঘুৰি আহি দেখে যে ঘৰৰ ভিতৰৰ সামগ্ৰী খেলিমেলি হৈ আছে লগতে ঘৰৰ পিছফালৰ দুৱাৰ খোলা আছে।পৰৱৰ্তী সময়ত কোঠালৈ গৈ দেখে যে ষ্ট্ৰীলৰ আলমিৰা ভাঙি চোৰে সোণৰ মূল্যবান সামগ্ৰী লৈ গৈছে ।এই দৃশ্য দেখি হুৱাদূৱা লাগে পৰিয়ালৰ মাজত।লগে লগে ঘটনা সন্দৰ্ভত গেলেকী আৰক্ষীক খবৰ দিয়ে ।নিশাই ঘটনাস্থলীত গেলেকী আৰক্ষী উপস্থিত হৈ তদন্ত আৰাম্ভ কৰে ।
ইতিমধ্যে ভূক্তভোগী পৰিয়ালে গেলেকী থানাত এজাহাৰ দাখিল কৰিছে ।এজাহাৰৰ ভিত্তিতেই গেলেকী আৰক্ষীয়ে তদন্ত আৰম্ভ কৰিছে।
লগতে পঢ়ক :Drinking Water Issue : ধোঁৱাচাঙত চৰকাৰৰ হৰ ঘৰ নল, হৰ ঘৰ জল আঁচনি