নিউজ ডেস্ক, ৩ এপ্ৰিলঃ আজি ইছলামধৰ্মী লোকসকলৰ পবিত্ৰ ৰমজান মাহৰ আৰম্ভণি। শনিবাৰে চন্দ্ৰ প্ৰত্যক্ষ কৰাৰ পিছত আজিৰ পৰা ইছলামধৰ্মী লোকসকলে পালন কৰিব ৰোজা।ৰমজানৰ বাবে বিশ্বজুৰি ইছলামধৰ্মী লোকসকলৰ মাজত বিৰাজ কৰিছে আনন্দ-উছাহ।
এটা বছৰ প্ৰতীক্ষাৰ অন্তত মুছলমান সম্প্ৰদায়ৰ লোকসকলৰ দুৱাৰডলিত আহি উপস্থিত হৈছে পূণ্যময়ী মাহ পবিত্ৰ ৰমজান। বিশুদ্ধ মনেৰে ৰমজান মাহলৈ সাজু হৈছে সকলো।
Related Posts
উল্লেখ্য যে, ৰমজান মুছলমানসকলৰ বাবে আটাইতকৈ পবিত্ৰ মাহ । এই মাহত মুছলমানসকলে ৰোজা ৰাখি আল্লাৰ উপাসনা কৰে ।
ৰমজানৰ পবিত্ৰ দিনবোৰত উপবাস খাটি, মানৱতাৰ সেৱা কৰি আৰু ঈশ্বৰৰ উপাসনাৰ দৰে কামে ধৈৰ্য্য, আত্ম-অনুশাসন, সহনশীলতা, সৰলতা আদিৰ মূল্যবোধক প্ৰসাৰত সহায় কৰে বুলি মুছলমানসকলে বিশ্বাস কৰে ৷