নেশ্যনেল ডেস্ক, ১৩ছেপ্টম্বৰ : শোকাৱহ পথ দুৰ্ঘটনা(Horrific road accident) । যাত্ৰীবাহী বাছত খুন্দা ট্ৰেইলাৰৰ । ফলত নিহত ১১গৰাকীকৈ লোক । আহত হয় ১২গৰাকীকৈ লোক ।
উল্লেখ্য যে, বুধবাৰে পুৱাই সংঘটিত হয় এই শোকাৱহ পথ দুৰ্ঘটনাটো(Terrible accident in Rajasthan) । ৰাজস্থানৰ জয়পুৰ-আগ্ৰা ৰাষ্ট্ৰীয় ঘাইপথত সংঘটিত এই মৰ্মান্তিক ঘটনাটো । ৰাজস্থানৰ জয়পুৰ-আগ্ৰা ৰাষ্ট্ৰীয় ঘাইপথত দাঁতিত ৰখাই থোৱা এখন যাত্ৰীবাহী বাছত পিছফালৰ পৰা খুন্দা মাৰে এখন ট্ৰেইলাৰে ৷ যাৰ ফলত এই শোকাৱহ দুৰ্ঘটনাটো সংঘটিত হয়(Death toll in Bharatpur road accident rises to 11) ৷
আৰক্ষীয়ে এই ভয়ংকৰ পথ দুৰ্ঘটনাটোৰ খবৰ পাই ঘটনাস্থলীত উপস্থিত হয় আৰু আহতসকলক উদ্ধাৰ কৰি আৰ বি এম জিলা চিকিৎসালয়ত ভৰ্তি কৰাৰ লগতে মৃতদেহ সমূহ মৰণোত্তৰ পৰীক্ষাৰ বাবে প্ৰেৰণ কৰিছে ৷
জানিব পৰা মতে, গুজৰাটৰ ভাবনগৰৰ পৰা একাংশ লোক উক্ত বাছখনেৰে উত্তৰ প্ৰদেশৰ মথুৰালৈ আহিছিল ৷ কিছু ৰাজস্থানৰ ভৰতপুৰ জিলাৰ হন্তৰা গাঁৱৰ সমীপত বাছখন পথৰ দাঁতিত ৰখোৱাৰ পিছত পিছফালৰ পৰা ট্ৰেইলাৰখনে খুন্দা মাৰে ৷ ফলত ১১ গৰাকীকৈ লোক থিতাতে নিহত আৰু ১২ গৰাকী আহত হয় ৷ মৃতকৰ সংখ্যা বৃদ্ধি পোৱাৰ সম্ভাৱনা(11 killed 12 injured after truck rams into passenger bus on Jaipur Agra highway in Bharatpur ) ৷
ভৰতপুৰৰ অতিৰিক্ত আৰক্ষী অধীক্ষক লখন সিঙে কয় যে, বুধবাৰে পুৱতি নিশা গুজৰাটৰ ভাবনগৰৰ একাংশ লোক এখন বাছ যোগে পুষ্কৰ দৰ্শন কৰি উত্তৰপ্ৰদেশৰ মথুৰা আৰু বৃন্দাবন দৰ্শনৰ বাবে যাত্ৰা কৰিছিল ৷ হন্তৰাৰ সমীপত বাছখনৰ টায়াৰ ফাটি যোৱাত পথৰ কাষত ৰখাই মেৰামতি কৰি থকা হৈছিল ৷ কিছু যাত্ৰী বাছখনৰ বাহিৰলৈ ওলাই আহিছিল যদিও একাংশ বাছৰ ভিতৰতে আছিল ৷
দোকমোকালি প্ৰায় ৪ বজাত জয়পুৰৰ দিশে তীব্ৰ গতিত আহি থকা একন ট্ৰেইলৰে বাছখনক পিছফালৰ পৰা প্ৰচণ্ড জোৰেৰে খুন্দা মাৰে ৷ কেৱল খুন্দা মৰাই নহয়, প্ৰায় ৩০ মিটাৰ দূৰলৈকে বাছখন মহতিয়াই নিয়ে ট্ৰেইলাৰখনে ৷ বাছখনৰ আশে পাশে থকা আৰু ভিতৰত থকা সকলো যাত্ৰী দুৰ্ঘটনাটোত পতিত হয় ৷ ঘটনাস্থলী হুলস্থূলীয়া পৰিবেশৰ সৃষ্টি হয় ৷
এই দুৰ্ঘটনাৰ খবৰ পোৱাৰ লগে লগে আৰক্ষী ঘটনাস্থলীত উপস্থিত হয় ৷ আৰু সকলো আহত যাত্ৰীক এম্বুলেন্স সহায়ত চিকিৎসালয়লৈ প্ৰেৰণ কৰা হয় ৷ মৃতদেহ সমূহো মৰণোত্তৰ পৰীক্ষাৰ বাবে প্ৰেৰণ কৰা হয় ৷ নিহত সকলক ক্ৰমে অন্নু, নন্দৰাম, লল্লু, ভৰত, লাল ভাই, অম্বাবেন, কম্পুবেন, ৰামুবেন, মধুবেন, অঞ্জুবেন আৰু মধুবেন বুলি চিনাক্ত কৰা হৈছে ৷ নিহত লোকসকল আটায়েই গুজৰাটৰ ভাবপুৰৰ বাসিন্দা আছিল বুলি জানিব পৰা গৈছে ৷