WATCH | Teok News : অলকানন্দা কলামণ্ডল আৰু অংকন শইকীয়া সোঁৱৰণী চিত্ৰকলা কেন্দ্ৰৰ উদ্যোগত ৮ দিনীয়া বিহু কৰ্মশালা
টীয়ক,২মাৰ্চ : কাকজান অঞ্চলৰ অগ্ৰণী কলা-সংস্কৃতিৰ অনুষ্ঠান অলকানন্দা কলামণ্ডল আৰু অকন শইকীয়া সোঁৱৰণী চিত্ৰকলা কেন্দ্ৰৰ উদ্যোগত আয়োজিত ৮ দিনীয়া বিহুনাম, বিহুনাচ, ঢোল, পেঁপা, গগণা আৰু সুতুলি কৰ্মশালাৰ সামৰণি অনুষ্ঠানটি আড়ম্বৰপূৰ্ণভাৱে সম্পন্ন হয়।
শংকৰ-আজান জাতীয় বিদ্যালয়ৰ বাকৰিত অনুষ্ঠিত কৰ্মশালাটিত বিভিন্ন অঞ্চলৰ শতাধিক শিশু-কিশোৰে অংশগ্ৰহণ কৰে। প্ৰশিক্ষক হিচাপে স্থানীয় ৪ গৰাকী লোক শিল্পী ক্ৰমে নৱজ্যোতি বৰা, গৌতম টুংখুঙীয়া, প্ৰহেলিকা গগৈ আৰু অভিজিৎ বড়াই প্ৰশিক্ষণ আগবঢ়ায়(Teok News)।
সামৰণি অনুষ্ঠানত প্ৰশিক্ষাৰ্থীসকলে অনুষ্ঠান পৰিৱেশন কৰি উপস্থিত ৰাইজক আপ্লুত কৰে।
উল্লেখযোগ্য যে,উক্ত অনুষ্ঠানতে দুজনকৈ বিশেষ ব্যক্তিক শিশু হিতৈষী বঁটা-২০২৫ আৰু যুৱ হিতৈষী বঁটা-২০২৫ প্ৰদান কৰা হয়। শিশুসকলৰ সৈতে একাত্ম হৈ দীৰ্ঘদিন ধৰি কৰ্ম কৰি যোৱা অৱসৰপ্ৰাপ্ত শিক্ষক বীৰবল মাহলীক শিশু হিতৈষী বঁটা আৰু উদ্যমী সংগ্ৰামী যুৱক সুজিৎ দত্তক যুৱ হিতৈষী বঁটা প্ৰদান কৰা হয়।
অনুষ্ঠানটিত উপস্থিত থাকি শিশুসকলক অনুপ্ৰাণিত কৰে কাকজান মহাবিদ্যালয়ৰ ইংৰাজী বিভাগৰ মুৰব্বী অধ্যাপক ড° পংকজ গোস্বামী, কাকজান উচ্চতৰ মাধ্যমিক বালক বিদ্যালয়ৰ প্ৰাক্তন অধ্যক্ষ সুৰেণ শইকীয়া, সংবাদকৰ্মী মানৱজ্যোতি বৰদলৈ, লোকশিল্পী ললিত বৰদলৈৰ লগতে সঞ্চালক অভিজিত বৰুৱা,অমৰজ্যোতি শইকীয়া স্থানীয় বহুকেইজন বিশিষ্ট ব্যক্তি উপস্থিত থাকে। অনুষ্ঠানৰ শেষত প্ৰশিক্ষাৰ্থীসকলক মানপত্ৰ প্ৰদান কৰা হয়।
লগতে পঢ়ক :WATCH | Dhemaji News : আজিৰে পৰা মিচিং ভাষাত পাঠদান আৰম্ভ