নিউজ ডেস্ক,৫আগষ্ট : ৰাজ্যত পুনৰ নিৰুদ্দেশৰ ঘটনা । ৰাজ্যত দিনক দিনে বৃদ্ধি পাবলৈ ধৰিছে নিৰুদ্দেশৰ ঘটনা । ধাৰাবাহিকভাৱে সংবাদ মাধ্যমৰ শিৰোনামা দখল কৰি আহিছে নিৰুদ্দেশৰ ঘটনাই । এটাৰ পিছত আন এটা নিৰুদ্দেশৰ ঘটনাই জোকাৰি গৈছে ৰাজ্য ।
ৰাজ্যত পুনৰ নিৰুদ্দেশ ছাত্ৰ । নদুৱাৰ অঞ্চলৰ ইটাখোলা আৰক্ষী চকী এলেকাৰ দিকৰাই চাহ বাগিছাৰ পৰা নিৰুদ্দেশ এগৰাকী অষ্টম শ্ৰেণীৰ ছাত্ৰ । নিৰুদ্দেশ ছাত্ৰজন অৰ্পিত তচা বুলি জানিব পৰা গৈছে ।
জানিব পৰা মতে, ইটাখোলা স্থিত ব্লুপাইন ইংলিছ স্কুলৰ অষ্টম শ্ৰেণীৰ মেধাবী ছাত্ৰ অৰ্পিত তচা যোৱা ২৬ জুলাই সন্ধিয়া নিজ গৃহৰ পৰা ওলাই গৈছিল তেতিয়াৰে পৰা ওভতি অহা নাই ছাত্ৰজন ।বিগত দহ দিন ধৰি নিৰুদ্দেশ হৈ আছে ছাত্ৰজন । যাক লৈ এতিয়া অঞ্চলজুৰি তীব্ৰ চাঞ্চল্যৰ সৃষ্টি হৈছে । নিৰুদ্দেশ পুত্ৰক বিচাৰি পিতৃ মাতৃয়ে আত্মীয় স্বজনৰ ঘৰত খবৰ কৰিছিল যদিও পুত্ৰৰ কোনো সন্ধান নোপোৱাত উপায়হীন হৈ ইটাখোলা আৰক্ষী চকীত এজাহাৰ দাখিল কৰে(Student missing in Jamugurihat)৷
ঘটনা সন্দৰ্ভত আৰক্ষীয়ে এজাহৰা দাখিল কৰি অনুসন্ধান আৰম্ভ কৰে । আৰক্ষীয়ে বৰ্তমানেও অনুসন্ধান অব্যাহত ৰাখিছে যদিও কোনো সন্ধান পোৱা নাই অৰ্পিত তচাৰ ।
দিকৰাই চাহ বাগিচা নিৱাসী অমৃত তচা আৰু মাইনা তচাৰ একমাত্ৰ পুত্ৰ সন্তান তথা দৰিদ্ৰ পৰিয়ালটিৰ মেধাবী ছাত্ৰ গৰাকী নিৰুদ্দেশ হোৱাত পিতৃ মাতৃয়ে এতিয়াই উপাইহীন হৈ পৰিছে ।
যদি কোনো সদাশয় লোকে ছাত্ৰ জনৰ সম্ভেদ লাভ কৰে তেন্তে 76388910221 নম্বৰত যোগাযোগ কৰিবলৈ আহৱান জনাইছে পিতৃ মাতৃয়ে ।
লগতে পঢ়ক : Sensational incident : ঘৰৰ সমীপত খেলি থকা সময়তে দ গাঁতত পৰিল শিশু