নিউজ ডেস্ক, ২ ছেপ্তেম্বৰ : ২ অক্টোবৰত গুৱাহাটীত (Guwahati) অনুষ্ঠিত হ’বলগীয়া ভাৰত আৰু দক্ষিণ আফ্ৰিকাৰ মাজৰ টি-২০ (T-20) আন্তঃৰাষ্ট্ৰীয় খেলখনৰ প্ৰস্তুতি চোৱাচিতা কৰিবলৈ শুকুৰবাৰে অসমৰ মুখ্যমন্ত্ৰী হিমন্ত বিশ্ব শৰ্মাই এখন সমিতি গঠন কৰে।
মুখ্যমন্ত্ৰী শৰ্মাৰ অধ্যক্ষতাত অনুষ্ঠিত দিছপুৰৰ ৰাজ্যিক সচিবালয়ত এই সন্দৰ্ভত এক বিশেষ বৈঠক অনুষ্ঠিত হয়।
বৈঠকত অসম ক্ৰিকেট সংস্থাৰ (Guwahati) সম্পাদক, মেট্ৰ’পলিটান জিলা প্ৰশাসন, অসম আৰক্ষী আৰু ৰাজহুৱা নিৰ্মাণ বিভাগৰ আয়ুক্ত সচিব দেৱজিৎ শইকীয়া উপস্থিত থাকে।
তদুপৰি, মুখ্যমন্ত্ৰীয়ে নৱগঠিত সমিতিখনক চহৰখনত দুৰ্গা পূজা উদযাপনৰ মাজত অনুষ্ঠিত হ’বলগীয়া খেলখনৰ সৈতে অতি নিষ্ঠাৰে বিষয়টো চম্ভালিবলৈ নিৰ্দেশ দিয়ে।
ইফালে, বৈঠকত সিদ্ধান্ত লোৱা হয় যে ছেপ্টেম্বৰৰ দ্বিতীয় সপ্তাহৰ পৰা খেলখনৰ টিকট বিক্ৰী অনলাইনত আৰম্ভ হ’ব।
আন্তৰ্জাতিক ক্ৰিকেট ষ্টেডিয়ামত অৱস্থিত বৰষাপাৰাত মুঠ আসন ক্ষমতা ৩৯,৫০০খন আৰু বিক্ৰী হ’ব মুঠ ৩২,০০০ টিকট।
উল্লেখ্য যে, গুৱাহাটীৰ বৰষাপাৰা ষ্টেডিয়ামক (Barsapara stadium) পূৰ্বে ভাৰত ভ্ৰমণৰ অংশ হিচাপে দক্ষিণ আফ্ৰিকাৰ বিৰুদ্ধে এখন টি-২০ আন্তঃৰাষ্ট্ৰীয় খেল আয়োজনৰ অন্যতম স্থান হিচাপে নিৰ্বাচিত কৰা হৈছিল।
এই বছৰৰ ১৬ অক্টোবৰৰ পৰা আৰম্ভ হ’বলগীয়া টি-২০ বিশ্বকাপৰ পূৰ্বে ভাৰতীয় ক্ৰিকেট দলে অষ্ট্ৰেলিয়া আৰু দক্ষিণ আফ্ৰিকাৰ বিৰুদ্ধে খেলিব।
অষ্ট্ৰেলিয়াৰ বিৰুদ্ধে তিনিখন খেলৰ ঘৰুৱা শৃংখলাৰ বাবে স্থানসমূহ নিৰ্ধাৰণ কৰাৰ লগে লগে গুৱাহাটীয়ে পুনৰ দক্ষিণ আফ্ৰিকাৰ বিৰুদ্ধে শৃংখলাত এখন টি-২০ আন্তঃৰাষ্ট্ৰীয় মেচ আয়োজন কৰাৰ সুযোগ লাভ কৰিবলৈ সাজু হৈছে।
২ অক্টোবৰত অনুষ্ঠিত হ’বলগীয়া তিনিখন T-20ৰ ভিতৰত দ্বিতীয়খন আয়োজন কৰিবলৈ তিৰুৱন্তপুৰম (Thiruvananthapuram) আৰু ইন্দোৰৰ (Indore ) সৈতে গুৱাহাটীক নিৰ্বাচিত কৰা হৈছিল।