সোণাৰি,২৯মাৰ্চ : সোণাৰি নগৰত চাহ জনগোষ্ঠীয় দল-সংগঠনৰ যৌথ সংবাদমেলৰ আয়োজন। আদিবাসী চাহ জনগোষ্ঠীয় লোকৰ সম্পত্তি দখলৰ বিৰুদ্ধে সংবাদ মেল।
চৰাইদেউ জিলাৰ বিভিন্ন প্ৰান্তত আদিবাসী চাহ জনগোষ্ঠীয় শ্ৰমিক পৰিয়ালৰ ভোগদখলীকৃত মাটি বেদখলৰ ধাৰাবাহিক প্ৰচেষ্টা চলি থকাৰ পৰিপ্ৰেক্ষিতত সোণাৰি নগৰত চাহ জনগোষ্ঠীয় দল-সংগঠনে এক যৌথ সংবাদমেলৰ আয়োজন কৰি ভূমি বেদখলৰ এনে অপচেষ্টা বন্ধ কৰিবলৈ দাবী জনাইছে, অন্যথা অনাগত সময়ত যিকোনো ভয়ংকৰ ৰক্তক্ষয়ী পৰিস্থিতিৰ উদ্ভৱ হব বুলি স্পষ্ট কৰি দিছে(Sonari News)।
সোণাৰি নগৰৰ পাৰ্শ্ববৰ্তী টিয়ক চাহ বাগিছা ক্লাৱত আযোজিত যৌথ সংবাদমেলত শাসক বিজেপি দলৰ নেতা-পালীনেতাইয়ো ভূ-মাফিয়াৰূপত অৱতীৰ্ণ হৈ চাহ শ্ৰমিকৰ মাটি বেদখলত জপিয়াই পৰা বুলি গুৰুতৰ অভিযোগ উত্থাপন কৰে। আয়োজিত সংবাদমেলত বিশিষ্ট শ্ৰমিক নেতা বলদেৱ তেলীয়ে বিগত সময়ত চৰাইদেউ জিলাৰ বিভিন্ন প্ৰান্তত চাহ শ্ৰমিকৰ ভূমি বেদখলৰ বহু ঘটনাৰ ওপৰত আলোকপাত কৰে।
লগতে পঢ়ক : WATCH | Chapar News : চাপৰ আঞ্চলিক শ্মশানত ১৩৩ তম শ্মশান কালি পূজা