Dibrugarh Siblings Go Missing in Brahmaputra : মাকৰ পিণ্ড দিবলৈ গৈ ব্ৰহ্মপুত্ৰৰ বুকুত সন্ধানহীন দুই যুৱক
ডিব্রুগড়, ৮নৱেম্বৰ : ডিব্রুগড়ত সংঘটিত হৈছে এক মৰ্মান্তিক দুৰ্ঘটনা । মাকৰ পিণ্ড দিবলৈ গৈ ব্ৰহ্মপুত্ৰৰ বুকুত সন্ধানহীন দুই যুৱক ।
ডিব্রুগড়ৰ মোহনঘাটত সংঘটিত হৈছে এক চাঞ্চল্যকৰ ঘটনা।বুধবাৰে ডিব্রুগড়ৰ মোহনঘাটত ব্রহ্মপুত্রত সন্ধানহীন হয় দুই যুৱক।
জানিব পৰা মতে, ব্ৰহ্মপুত্ৰৰ বুকুত সন্ধানহীন দুই যুৱক আমোলাপট্টিৰ দিগন্ত কাকতি আৰু অনন্ত কাকতি বুলি চিনাক্ত কৰা হৈছে । দুয়োজন ককায়েক-ভায়েক আছিল আৰু দুয়ো মাকৰ পিণ্ড দিবলৈ ব্ৰহ্মপুত্ৰলৈ গৈছিল আৰু তেতিয়াই সন্ধানহীন হৈ পৰে দুই যুৱক( Siblings From Dibrugarh Goes Missing In Brahmaputra)।
উল্লেখ্য যে, যিটো ঘাটত পিণ্ড দিবলৈ গৈছিল সেই ঘাটৰ পানী গভীৰ আছিল। প্ৰথমে ভাতৃয়ে পিণ্ড দিবলৈ গৈছিল আৰু তেতিয়াই তেওঁ পিছলি নদীত পৰে। ভাতৃক বচাবলৈ গৈ নদীত পৰে জ্যেষ্ঠ ভাতৃও(Dibrugarh Siblings Go Missing In Brahmaputra)।
আজি দুয়োৰে মাতৃৰ ছয়মহীয়া মৃত্যু দিন আছিল। সেই উপলক্ষ্যে ঘৰত শ্ৰাদ্ধৰ আয়োজন কৰিছিল তেওঁলোকে। শ্ৰাদ্ধ শেষ হোৱাৰ পাছত দুয়ো পিণ্ড দিবলৈ নদীলৈ আহিছিল।
ঘটনাস্থলীত এছডিআৰএ বাহিনী উপস্থিত হৈ উদ্ধাৰ অভিযান অব্যাহত ৰাখিছে যদিও এতিয়ালৈকে সন্ধান পোৱা নাই দুই ভাতৃৰ।
ইফালে স্থানীয় লোকে অভিযোগ কৰা অনুসৰি এছডিআৰএ বাহিনীক খবৰ দিয়াৰ পিছতে উপস্থিত হোৱা নাছিল । এছডিআৰএ বাহিনী পলমকৈ আহি ঘটনাস্থলীত উপস্থিত হোৱাত স্থানীয় লোকে ক্ষোভ উজাৰে ।
লগতে পঢ়ক :Bogibeel Bridge Road Accident : বগীবিল দলঙত সংঘটিত হৈছে এক ভয়ংকৰ দুৰ্ঘটনা