নগাঁও , ৭অক্টোবৰ : নগাঁৱত উত্তপ্ত পৰিস্থিতি । নাৰী দেহ ব্যৱসায়ক কেন্দ্ৰ কৰি নগাঁৱত সৃষ্টি হয় উত্তপ্ত পৰিস্থিতিৰ(Sex racket in Nagaon) । নগাঁৱৰ মৰিকলং সেউজ নগৰত সংঘটিত হয় এই চাঞ্চল্যকৰ ঘটনাটো । পুনৰ শুকুৰবাৰে নিশা নগাঁৱত নাৰী দেহ ব্যৱসায় চলি থকাৰ ভয়ংকৰ তথ্য পোহৰলৈ আনিবলৈ সক্ষম হয় স্থানীয় ৰাইজে ।
উল্লেখ্য যে, নগাঁৱত দীৰ্ঘদিনৰ পৰা নাৰী দেহ ব্যৱসায় চলাই থকাৰ অভিযোগ উত্থাপন হৈ আছে । শনিবাৰে নগাঁও চহৰৰ মৰিকলং সেউজ নগৰত ৰাইজে উৎখাত কৰে দেহ ব্যৱসায়ী চক্ৰ । এগৰাকী মহিলাই সেউজ নগৰত এটা ভাড়াঘৰ লৈ দেহ ব্যৱসায় চলাই থকাৰ অভিযোগ উত্থাপন কৰিছে ৰাইজে । প্ৰতি নিশাই ঘৰটোলৈ অহা যোৱা কৰে বহু যুৱক-যুৱতী । প্ৰায়েই বহু বিলাসী বাহনৰে ভাড়াঘৰটোলৈ আগমন ঘটে বহু যুৱক-যুৱতীৰ ।
জানিব পৰা মতে, শুক্ৰবাৰে নিশাও ঘৰটোত আছিল দুগৰাকী যুৱতীৰ লগতে যুৱক । স্থানীয় লোকৰ অভিযোগ অনুসৰি ভাড়া ঘৰটোত শুক্ৰবাৰে নিশা যুৱক যুৱতী আৰু মহিলা গৰাকীৰ সৈতে হৈছিল কিছু সংঘাত আৰু এক হুলস্থুলীয় পৰিবেশৰ সৃষ্টি হৈছিল । যাক লৈ স্থানীয় লোকৰ মাজত সৃষ্টি হৈছিল সন্দেহৰ(alleged anti social activities Nagaon) ।
ইয়াৰে পিছতেই স্থানীয় লোক ঘৰটো ঘেৰাও কৰি সৃষ্টি কৰে উত্তপ্ত পৰিস্থিতিৰ । উত্তপ্ত পৰিস্থিতিৰ মাজতে আন্ধাৰৰ সুযোগ লৈ পলায়ন কৰে সন্দেহজনক লোক দুজনে । কিন্তু স্থানীয় ৰাইজে আটক কৰে শিলচৰ আৰু তিতাবৰৰ দুই যুৱতীক । আটক কৰা যুৱতী দুগৰাকীৰ ভিতৰত এগৰাকী মহিলাৰ বিৰুদ্ধে ভাড়াঘৰত অনৈতিক কাৰ্যকলাপ চলাই অহাৰ অভিযোগ উত্থাপন কৰিছে স্থানীয় ৰাইজে ।
শুক্ৰবাৰে নিশা সেউজ নগৰত নাৰী দেহ ব্যৱসায়ক লৈ উত্তপ্ত পৰিস্থিতিৰ সৃষ্টি হোৱাৰ পিছত ঘটনাস্থলীত উপস্থিত হয় স্থানীয় মৰিকলং আৰক্ষী চকীৰ আৰক্ষী। স্থানীয় লোকে কৰায়ত্ত কৰা অভিযুক্ত যুৱতীক আৰক্ষীক গটাই দিয়ে আৰু পৰৱৰ্তী সময়ত আটক কৰি আৰক্ষী থানালৈ লৈ যায় অভিযুক্ত দুগৰাকীক ।