Sensational Murder In Chabua :শোৱাপাটীৰ পৰা জগাই ঘৰৰ চৌহদতে জলসম্পদ বিভাগৰ কৰ্মচাৰীক হত্যা দুৰ্বৃত্তৰ
নিউজ ডেস্ক,১০ছেপ্তেম্বৰ : হিংসা , হত্যা, ধৰ্ষণেৰে গ্ৰাস কৰিছে সমাজক। প্ৰতিদিনেই এনে খবৰেৰে ভৰি থাকে সংবাদ মাধ্যম । কোনোবা খিনিত অনুভৱ হয় দেশৰ ন্যায় ব্যৱস্থাৰ দুৰ্বলতাৰ সুযোগ গ্ৰহণ কৰিছে নেকি একাংশ অপৰাধীয়ে । যাৰ বাবে সমাজত বৃদ্ধি পাইছে অপৰাধ প্ৰৱণতা(Sensational Incident)।
কিছুমান নিকৃষ্ট মানসিকতাৰ লোকে নিজৰ আপোনজনকো হত্যা কৰিবলৈ কুণ্ঠাবোধ নকৰে। ৰাজ্যত পুনত হত্যাকাণ্ড। হত্যা, হিংসাই এক অস্থিৰ পৰিৱেশৰ সূচনা কৰা ৰাজ্যত পুনৰ সংঘটিত হ’ল আন এক জঘণ্য হত্যাকাণ্ড(Sensational Murder In Chabua)।
এইবাৰ চাবুৱাৰ জেৰাই গাঁৱত সংঘটিত হৈছে নৃশংস হত্যাকাণ্ডৰ ঘটনা ৷ শোৱাপাটীৰ পৰা জগাই ঘৰৰ চৌহদতে জলসম্পদ বিভাগৰ কৰ্মচাৰীক হত্যা দুৰ্বৃত্তৰ৷ চোকা অস্ত্ৰৰে নিৰ্মমভাৱে আক্ৰমণ কৰি হত্যা মাধুৰ্য বৰুৱা নামৰ লোকজনক৷
জানিব পৰা মতে, সোমবাৰে নিশা প্ৰায় ডেৰ মান বজাত চাবুৱাৰ জেৰাই গাঁৱৰ নিবাসী মাধুৰ্য বৰুৱাই ঘৰত শুই থকা অৱস্থাতে কোনো অচিনাক্ত দুৰ্বৃত্তই মাধুৰ্যক শুৱাপাটিৰ পৰা জগাই চোকা অস্ত্ৰ আৰু মাটি সমান কৰা ধুমুচেৰে মুৰত আঘাত কৰি অতি নিৰ্মমভাৱে হত্যা কৰে বুলি স্থানীয় লোকে জনায় । ডিব্ৰুগড়স্থিত জল সম্পদ বিভাগৰ মাণ্ডলিক কাৰ্যালয়ৰ অধীনস্থ এগৰাকী কৰ্মচাৰী আছিল।
ইতিমধ্যে নিশাই চাবুৱা আৰক্ষী উপস্থিত হৈছে যদিও পুৱা ৭বজাত দণ্ডাধীশ উপস্থিত হয়। আৰক্ষীৰ প্ৰাৰম্ভিক তদন্তত এই পৰ্যন্ত কোনো ধৰণৰ তথ্য পোহৰলৈ অহা নাই। ঘটনাস্থলীলৈ বিশেষ তদন্তকাৰী দল আহি সকলো দিশ তন্ন তন্নকৈ পৰীক্ষা কৰিছে ।
এই হত্যাকাণ্ডক লৈ সমগ্ৰ চাবুৱাৰ লগতে জেৰাই গাঁৱৰ স্থানীয় লোকৰ মাজত চাঞ্চল্যৰ সৃষ্টি হৈছে ।
লগতে পঢ়ক :Dead Body recovered in Morigaon : পুখুৰীত বিবস্ত্ৰ অৱস্থাত উদ্ধাৰ মহিলাৰ মৃতদেহ