বোকাখাত,২৫মাৰ্চ : হত্যা, হিংসা , ধৰ্ষণেৰে গ্ৰাস কৰিছে সমাজক। প্ৰতিদিনেই এনে খবৰেৰে ভৰি থাকে সংবাদ মাধ্যম । কোনোবা খিনিত অনুভৱ হয় দেশৰ ন্যায় ব্যৱস্থাৰ দুৰ্বলতাৰ সুযোগ গ্ৰহণ কৰিছে নেকি একাংশ অপৰাধীয়ে । যাৰ বাবে সমাজত বৃদ্ধি পাইছে অপৰাধ প্ৰৱণতা(Sensational Incident)।
ৰাজ্যত পুনত হত্যাকাণ্ড। হত্যা, হিংসাই এক অস্থিৰ পৰিৱেশৰ সূচনা কৰা ৰাজ্যত পুনৰ সংঘটিত হ’ল আন এক জঘণ্য হত্যাকাণ্ড(Sensational Murder In Bokakhat)।
হোলীৰ আনন্দৰ মাজতে বোকাখাতত সংঘটিত হৈছে নৃশংস হত্যাকাণ্ডৰ ঘটনা । বোকাখাতৰ পৰা কাকচাং জলপ্ৰপাতলৈ যোৱা পথত ডিঙি কাটি হত্যা যুৱকক ।
জানিব পৰা মতে, দেওবাৰে সন্ধিয়া নিজা চুজুকী ফ্ৰঞ্চ গাড়ীৰে ঘৰলৈ অহা পথত দুৰ্বৃত্তই গাড়ীৰ ভিতৰতে ডিঙি কাটি হত্যা কৰে যুৱকজনক। নিজ গাড়ীৰে বোকাখাত নগৰৰ পৰা ঘৰলৈ গৈ থকা অৱস্থাত নাহৰজাৰ কাকজান পথত সংঘটিত হয় এই ঘটনা । ভুক্তভোগী যুৱকজন কাকচাঙৰ যুৱ ব্যৱসায়ী ৰয়েল ৰংহাঙ বুলি জানিব পৰা গৈছে ।
এই ভয়ংকৰ হত্যাকাণ্ডটো হোৱাৰ পিছতে আৰক্ষীয়ে ঘটনা সন্দৰ্ভত গোচৰ ৰুজু কৰি তদন্ত আৰম্ভ কৰিছে । বৰ্তমানেও জানিব পৰা হোৱা নাই এই ভয়ংকৰ ঘটনাটো কোনো আৰু কিয় সংঘটিত কৰিলে । আৰক্ষীৰ তদন্তৰ অন্তত হে পোহৰলৈ আহিব প্ৰকৃত ঘটনা ।
লগতে পঢ়ক : Holi in Assam in 2024 : আজি ৰঙৰ উৎসৱ ফাকুৱা