নিউজ ডেস্ক,২ছেপ্তেম্বৰ : বৰপেটা ৰোডৰ জ্যেষ্ঠ সাংবাদিক তথা “বৰপেটা এক্সপ্ৰেছ”ৰ এডমিন, বৰপেটা জিলা সাহিত্য সভাৰ সাধাৰণ সম্পাদক জয়ন্ত কুমাৰ দাসৰ দেহাৱসান । আজিৰ পুৱা ১০ বজাত মৃত্যু হয় জ্যেষ্ঠ সাংবাদিকগৰাকীৰ(Senior journalist Jayant Kumar Das passes away)।
জানিব পৰা মতে,দীৰ্ঘদিন ধৰি এক জটিল ৰোগত আক্ৰান্ত হৈ বৰপেটাৰ ফকৰুদ্দিন আলি আহমেদ চিকিৎসালয়ত চিকিৎসাধীন হৈ আছিল সাংবাদিকগৰাকীৰ । অৱশেষত আজি ইহলীলা সম্বৰণ কৰে জ্যেষ্ঠ সাংবাদিকগৰাকীয়ে।
তেখেতৰ মৃত্যুত সংবাদ মহলৰ লগতে সমগ্ৰ বৰপেটা জিলাখনতেই গভীৰ শোকৰ ছাঁ পৰিছে। সাংবাদিক জয়ন্ত কুমাৰ দাসৰ মৃত্যুত হাউলীৰ প্ৰাক্তন সাংবাদিক তথা আমাৰ দেশ কাকতৰ প্ৰাক্তন সহ-সম্পাদক যুগান্ত বায়নে গভীৰ শোক প্ৰকাশ কৰাৰ লগতে দাসৰ মৃত্যু অসমৰ সংবাদ জগতৰ লগতে বিশেষকৈ সমগ্ৰ বৰপেটা জিলাৰ সংবাদ জগতৰ এক অপুৰণীয় ক্ষতি বুলি অভিহিত কৰিছে।
লগতে পঢ়ক : Drugs peddler arrested along with drugs : লামডিঙত নিষিদ্ধ ড্ৰাগছ আৰু ভাং সহ চাৰিজন আটক