নিউজ ডেস্ক,২অক্টোবৰ : এক ভয়ংকৰ পথ ।নিহত দুজন ।
শিৱসাগৰ জিলাৰ জয়সাগৰৰ মানকটা তিনিআলিৰ সমীপত শোকাৱহ দুৰ্ঘটনা ।
প্ৰাপ্ত খবৰ অনুসৰি মঙলবাৰে নিশা প্ৰায় ১০-০০ বজাত দুই বন্ধুয়ে ঐতিহাসিক পহুগড়ৰ দিশৰ পৰা মানকটা তিনিআলিৰ দিশে এ এচ ০৪-এ ই ৯৩৬৮ নম্বৰৰ ইয়ামাহা বাইকত তীব্ৰ বেগৰে গৈ আছিল আৰু পথৰ কাষৰ এজোপা গছত প্ৰচণ্ড জোৰত খুন্দা মাৰি দুই বন্ধু বহু দূৰৈত ছিটিকি পৰে। বিকত শব্দ শুনি স্থানীয় লোক ঘৰৰ পৰা ওলাই আহি দুজন যুৱক পথৰ কাষত চটফটাই থকা প্ৰত্যক্ষ কৰে(Road Accident in Sivasagar)।
তাৰ কিছু সময়ৰ পাছতেই দুই যুৱকৰ মৃত্যু হয় । মৃত যুৱকদুজন ঢুলীয়াপাৰ গাৱঁৰ নৱজ্যোতি বৰা (৩১) আৰু মৌপুৰীয়া গাঁৱৰ বিৰাজ হাজৰিকা (৩৩)বুলি চিনাক্ত কৰা হৈছে ।
স্থানীয় ৰাইজে অভিযোগ কৰা অনুসৰি, ঐতিহাসিক পহুগড় থকা এখন ধাবাৰ পৰা যুৱক দুজনে অত্যাধিক সুৰাপান কৰি আহিছিল ।
নিশা জনশূন্য পথত দুৰ্ঘটনা সংঘটিত হোৱাৰ পাছত স্থানীয় ৰাইজে জয়সাগৰ আৰক্ষীক খবৰ দিয়াত আৰক্ষীয়ে দুয়োজন যুৱকৰ মৃতদেহ উদ্ধাৰ কৰি জয়সাগৰস্থিত অসামৰিক চিকিৎসাললৈ আনে।
লগতে পঢ়ক :Road Accident in Batadrava : তীব্ৰবেগী ডাম্পাৰে মহটিয়াই নিয়ে পথচাৰীক;থিতাতে নিহত এজন