ৰঙিয়া,১২ডিচেম্বৰ : ৰঙিয়া ২৭ নং ঘাই পথত মৃত্যুৰ কিৰিলি। প্ৰতিদিনেই এটাৰ পিছত এটাকৈ ভয়ংকৰ পথ দুৰ্ঘটনাই জোকাৰিছে সমগ্ৰ ৰঙিয়া।
পুনৰ ৰঙিয়া ২৭নং ঘাইপথৰ ডি এই মটৰ্ছৰ সন্মুখত ভয়ংকৰ পথ দুৰ্ঘটনা।দুৰ্ঘটনাত থিতাতে নিহত ৰঙিয়া তিনিআলি নিবাসী চন্দন দাস।নিহত চন্দন দাস ৰঙিয়া তিনিআলিৰ দাস ষ্টোৰৰ স্বত্বাধিকাৰী তথা এগৰাকী প্ৰতিষ্ঠিত ব্যৱসায়ী আছিল(Road Accident in Rangia)।
প্ৰত্যক্ষদৰ্শীৰ মতে,পথৰ কাষৰ ডিভাইদাৰত খুন্দা লগাৰ ফলতে এই দুৰ্ঘটনাটো সংঘটিত হয়।
জানিব পৰা মতে, AS 01 BZ 8082 ৰয়েল এনফিল্ড বাহেনেৰে নিহত চন্দন দাস গুৱাহাটীৰ পৰা ৰঙিয়াস্থিত তেওঁৰ বাসগৃহৰ অভিমুখে আহি থকা সময়তে এই কৰুণ ঘটনাটো সংঘটিত হয়। দুৰ্ঘটনাটো সংঘটিত হোৱাৰ লগে লগে ততাতৈয়াকৈ ৰঙিয়াৰ এখন ব্যক্তিগত খণ্ডৰ চিকিৎসালয়লৈ প্ৰেৰণ কৰা হয় যদিও চিকিৎসকে মৃত বুলি ঘোষণা কৰে। মৃত্যুৰ সময়ত এই ইহসংসাৰত পত্নী আৰু পুত্ৰক এৰি থৈ যায়।
এই ঘটনাই শোকৰ ছাঁ পেলাইছে সমগ্ৰ ৰঙিয়া তথা তিনিআলি অঞ্চলত।
লগতে পঢ়ক :Delhi Police team arrives in Assam:বঙাইগাঁৱত উপস্থিত দিল্লী পুলিচৰ এটা দল