নিউজ ডেস্ক, ২৭ নৱেম্বৰ : ৰাস চাবলৈ গৈ ওভতি নাহিল এজন যুৱক । নিশা ৰাস চাবলৈ গৈছিল দুই বন্ধুয়ে । কিন্তু ৰাস চাই ওভতি নাহিল ঘৰলৈ । কাৰণ ৰাস্তত ৰৈ আছিল মৃত্যুৱে ।
এক শোকাৱহ দুৰ্ঘটনা । নাৰায়নপুৰৰ চুনজুলিত সংঘটিত হৈছে এই ভয়ংকৰ পথ দুৰ্ঘটনাটো(Road Accident) ।
দেওবাৰে নিশা নাৰায়ণপুৰত নিয়ন্ত্ৰণ হেৰুৱাই দলঙৰ তলত পৰিল বাইক আৰোহী । ফলত থিতাতে নিহত হয় বাইক আৰোহী আন এজন গুৰুতৰভাৱে আহত হয় । নিহত যুৱকজনৰ নাম ৰামপুৰৰ অজিত বৰা বুলি চিনাক্ত কৰা হৈছে ।গুৰুতৰভাৱে আহতজনৰ নাম মঞ্জিল বৰা(Road Accident in Narayanpur)।
জানিব পৰা মতে, প্ৰাতভ্ৰমণত যোৱাৰ সময়তে দলঙৰ তলত পৰি থকা প্ৰত্যক্ষ কৰে পথচাৰীয়ে । তাৰ পিছতে সৃষ্টি হয় চাঞ্চল্যৰ । খবৰ দিয়া আৰক্ষীৰ । আৰক্ষীয়ে খবৰ পোৱাৰ লগে লগে ঘটনাস্থলীত উপস্থিত হৈ মৃতদেহ উদ্ধাৰ কৰে । ইফালে আহত লোকজনক ততাতৈয়াকৈ চিকিৎসালয়লৈ প্রেৰণ কৰে।
লগতে পঢ়ক : Road Accident : বাইক আৰু অট’ৰ মাজত মুখামুখি সংঘৰ্ষ