মৰিগাঁও, ৪ ডিচেম্বৰ : এক শোকাৱহ পথ দুৰ্ঘটনা । ৰৈ থকা ট্ৰাকত খুন্দা টাটা ACE বাহনৰ । দুৰ্ঘটনা নিহত তিনিজন লগতে আহত হয় তিনিজনকৈ লোক
মৰিগাঁৱত সংঘটিত হৈছে ভয়ংকৰ পথ দুৰ্ঘটনা । সোমবাৰে পুৱতি নিশা ২৭ নং ৰাষ্ট্ৰীয় ঘাইপথৰ মৰিগাঁও বঙালধৰাত সংঘটিত হয় ভয়ংকৰ পথ দুৰ্ঘটনাটো ।
জানিব পৰা মতে, ৰৈ থকা ট্ৰাকত খুন্দা টাটা ACE বাহনৰ । গুৱাহাটীৰ পৰা নগাঁও অভিমুখে TATA ACE বাহন খনৰে সামগ্ৰী কঢ়িয়াই নিয়াৰ সময়তে সংঘটিত হৈছে এই পথ দুৰ্ঘটনাটো(3 Dead, 3 Injured In Morigaon Road Mishap)।
মৰিগাঁও ধৰমতুল থানাৰ সমীপতে বঙালধৰাত ৰাষ্ট্ৰীয় ঘাই পথত ৰৈ থকা AS25CC5971 নম্বৰৰ ট্ৰাক খনত AS04BC9751 নম্বৰৰ টাটা ACE বাহনে খুন্দা মাৰে।ফলত সংঘটিত হয় এক ভয়ংকৰ দুৰ্ঘটনা ।এই ভয়ংকৰ দুৰ্ঘটনাৰ নিহত হয় তিনিজনকৈ ব্যক্তি লগতে আহত হয় তিনিজনকৈ ব্যক্তি ।
উল্লেখ্য যে এই ভয়ংকৰ দুৰ্ঘটনা সংঘটিত হোৱা পিছতে দুৰ্ঘটনাগ্ৰস্ত বাহনখনৰ পৰা আঘাত প্ৰাপ্ত লোকসকলক উদ্ধাৰ কৰি ততাতৈয়াকৈ মৰিগাঁও অসামৰিক চিকিৎসালয়লৈ লৈ যোৱা হয় যদিও চিকিৎসালয়ত মৃত্যুক সাৱতি লয় দুজন ব্যক্তিয়ে(Road Accident in Morigaon) ।
নিহত ব্যক্তি কেইজন ক্ৰমে মহম্মদ ইউনুচ, চান্দ মহম্মদ, আৰু চেহজাদ বুলি জানিব পৰা গৈছে । আনহাতে বৰ্তমানেও সংকটজনক অৱস্থাত চিকিৎসাধীন হৈ আছে চাদ্দাম হুছেইন, আব্দুল কাদিৰ আৰু ছালমান।এই ভয়ংকৰ দূৰ্ঘটনাটোত নিহত আৰু আহত কেইজনৰ ঘৰ উত্তৰ প্ৰদেশত বুলি জানিব পৰা গৈছে।
লগতে পঢ়ক :Rajasthan Road Accident : শোকাৱহ দুৰ্ঘটনা, শিশুসহ নিহত চাৰিজন