মৰিগাঁও, ২৫ নৱেম্বৰ : এক ভয়ংকৰ পথ দুৰ্ঘটনা । দুখন যাত্ৰীবাহী ট্ৰেভেলাৰৰ মাজত মুখামুখি সংঘৰ্ষ । সংঘৰ্ষত আহত ২০জনৰো অধিক যাত্ৰীৰ ।মৰিগাঁৱত সংঘটিত হৈছে এই ভয়ংকৰ পথ দুৰ্ঘটনাটো ।
উল্লেখ্য যে, শনিবাৰে পুৱাই মৰিগাঁৱৰ জালুগুটিত এক ভয়ংকৰ পথ দুৰ্ঘটনা সংঘটিত হয় ৷ দুখন যাত্ৰীবাহী ট্ৰেভেলাৰৰ মাজত মুখামুখি সংঘৰ্ষ হয় ৷ এই দুৰ্ঘটনাৰ ফলত ২০ জনৰো অধিক যাত্ৰী আহত হয় ৷
আহত যাত্ৰী কেইবাজনক মৰিগাঁৱৰ শ্বহীদ তিলক হেমৰাম গুণাভিৰাম অসামৰিক চিকিৎসালয়ত ভৰ্তি কৰোৱা হয়(Road Accident in Marigaon) ।
ঘটনা অনুসৰি, AS01GC4778 নম্বৰৰ ট্ৰেভেলাৰখন নগাঁও দিশৰ পৰা মৰিগাঁও অভিমুখে গৈ আছিল ৷ আনহাতে AS25BC6244 নম্বৰৰ আনখন ট্ৰেভেলাৰ মৰিগাঁও দিশৰ পৰা নগাঁও দিশে গৈ আছিল ৷ তেনে সময়তে জালুগুটি দুয়োখন ট্ৰেভেলাৰৰ মাজত মুখামুখি সংঘৰ্ষ হয়(Road Accident) ৷
প্ৰাপ্ত তথ্য মতে, এই পথ দুৰ্ঘটনাত আহত দুজন ব্যক্তিক উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হৈছে ৷
লগতে পঢ়ক :Road Accident in Mangaldoi : মঙলদৈত ভয়ংকৰ পথ দুৰ্ঘটনা