নিউজ ডেস্ক, ২২ নৱেম্বৰ : এক মৰ্মান্তিক দুৰ্ঘটনা । ট্ৰাকৰ খুন্দাত নিহত ছাত্ৰ(Road Accident in Mangaldoit) ।
বুধবাৰে মঙলদৈত সংঘটিত হৈছে এক শোকাৱহ দুৰ্ঘটনা । বুধবাৰে পুৱা মঙলদৈৰ ১৫ নং ৰাষ্ট্ৰীয় ঘাইপথৰ লেঙেৰীপাৰা বাহঁবজাৰৰ সমীপত এখন ট্ৰাকে তিনিজন কিশোৰক খুন্দিয়াই থৈ যায় ।
উল্লেখ্য যে, মঙলদৈৰ ১৫ নং ৰাষ্ট্ৰীয় ঘাইপথৰ লেঙেৰীপাৰা বাহঁবজাৰৰ সমীপত তিনিজন কিশোৰে ঘৰৰ পৰা টিউচনলৈ বাইকেৰে গৈ থকাৰ সময়ত বিপৰীত দিশৰ পৰা অহা এখন ট্ৰাকৰ সৈতে মুখামুখি সংঘৰ্ষ হয়।
এই সংঘৰ্ষত এজন ছাত্ৰৰ থিতাতে নিহত হয় আৰু আন দুজন গুৰুতৰভাৱে আহত হয় ।আহত দুজনক সংকটজনক অবস্থাত বৰ্তমান মঙলদৈ অসামৰিক চিকিৎসালয়ত ভৰ্তি কৰোৱা হৈছে(Student Killed in Road Accident in Mangaldoi)।
জানিব পৰা মতে, দুৰ্ঘটনাগ্ৰস্ত বাহনখনৰ নম্বৰ AS-13R-617 । বাইকখনত গৈ থকা ছাত্ৰ তিনিজন নৱম শ্ৰেণীৰ আছিল আৰু তিনিওৰে ঘৰ মঙলদৈৰ বাঘপৰিত বুলি জানিব পৰা গৈছে।
ইফালে মৃত কিশোৰজনৰ নাম ১৬ বছৰীয়া ৰফিকুল ইছলাম আৰু আহত আন দুজন ছাত্ৰ ১৬ বৰ্ষীয় আব্দুল গনি আৰু ৰাজিদুল হক বুলি চিনাক্ত কৰা হৈছে।
লগতে পঢ়ক : Arms seized in Manipur : পুনৰ চুবুৰীয়া ৰাজ্য মণিপুৰত উদ্ধাৰ অস্ত্ৰ-শস্ত্ৰসহ বিস্ফোৰক সামগ্ৰী