Road Accident in Kokrajhar : ব’লব’মৰ পৰা উভতি অহা শিৱভক্তৰ তীব্ৰবেগী ট্ৰাকৰ খুন্দা; নিহত ৫জনকৈ ভক্ত,আহত এজন
নিউজ ডেস্ক,১২আগষ্ট : এক মৰ্মান্তিক দুৰ্ঘটনা । ব’লব’মৰ পৰা উভতি অহা শিৱভক্তৰ তীব্ৰবেগী ট্ৰাকৰ খুন্দা । ফলত থিতাতে নিহত ৫জনকৈ ভক্ত । আহত এজন ।
কোকৰাঝাৰত সংঘটিত হৈছে শোকাৱহ পথ দুৰ্ঘটনা ৷ কোকৰাঝাৰ জিলাৰ গোঁসাইগাঁৱৰ কচুগাঁও মহামায়া মন্দিৰৰ সন্মুখেৰে যোৱা ২৭ নম্বৰ ৰাষ্ট্ৰীয় ঘাইপথত ব’লব’মৰ পৰা উভতি অহা শিৱভক্তৰ গাৰ ওপৰেৰে চলিল তীব্ৰবেগী ট্ৰাক ৷ ফলত গাড়ীৰ চেপাত ৫জনকৈ ভক্ত নিহত হোৱাৰ লগতে গুৰুতৰভাৱে আহত হয় এজন । আহত লোকজন বৰ্তমান চিকিৎসাধীন হৈ আছে(Road Accident in Kokrajhar) ৷
জানিব পৰা মতে, শাওণ মাহৰ শেষৰটো সোমবাৰে মন্দিৰত পূজা সম্পন্ন কৰি বলেৰ’ পিক আপ বাহনত উঠাৰ সময়তে ভক্তসকলক প্ৰচণ্ড জোৰে এখন ট্ৰাকে খুন্দা মাৰে ৷ যাৰ ফলত থিতাতে মৃত্যু হয় গোঁসাইগাঁৱৰ ১ নং হাতীগড় গাঁৱৰ ৫জনকৈ লোকৰ । নিহত লোককেইজন ক্ৰমে সুক্ৰমন ৰায়(২০), জয় ৰায়(১১), বাপ্পী ঘোষ(২১) আৰু বাসুদেৱ ৰায়(২২) ৰ বুলি জানিব পৰা গৈছে ৷ আনহাতে, সংকটজনক অৱস্থাত চিকিৎসালয়ত মৃত্যু ঘটে নৱ ঘোষ(২৬) নামৰ লোকজনৰ ৷ লগতে গুৰুতৰভাৱে আহত হৈ কচুগাঁও হাস্পতালত চিকিৎসাধীন হৈ আছে বিনন ৰায়(২২) নামৰ যুৱকজন ।
দুৰ্ঘটনাতো সংঘটিত কৰা ট্ৰাকখনৰ পঞ্জীয়ন নম্বৰ হৈছে RJ 10 GC 0217 ৷ ইতিমধ্যে ঘটনাস্থলীত গোঁসাইগাঁও মহকুমা আৰক্ষী বিষয়া হীৰেন কুমাৰ ডেকা আৰু কচুগাঁও আৰক্ষী উপস্থিত হৈছে ৷ একেখন ট্ৰাকে বিষমুৰীত আন এটা দুৰ্ঘটনা সংঘটিত কৰাৰ ফলত দুজনৰ মৃত্যু ঘটিছে বুলি জানিব পৰা গৈছে(Road Accident in Kokrajhar) ৷
লগতে পঢ়ক : World Elephant Day : আজি বিশ্ব হস্তী দিৱস