যোৰহাট, ২৯ জানুৱাৰী : এক শোকাৱহ দুৰ্ঘটনা । নিয়ন্ত্ৰণ হেৰুৱাই তীব্ৰবেগী বাহন সোমাল বাসগৃহত । ফলত থিতাতে নিহত দুজন লোক । সংকটজনক অৱস্থাত এজন ।
এই ভয়ংকৰ পথ দুৰ্ঘটনাটো সংঘটিত হৈছে যোৰহাটত । যোৰহাটৰ শল’মৰাত সোমবাৰে পুৱতি নিশা সংঘটিত হয় ভয়ংকৰ দুৰ্ঘটনাটো(Road Accident in Jorhat) ।
উল্লেখ্য যে, এখন তীব্ৰবেগী বাইকে নিয়ন্ত্ৰণ হেৰুৱাই এটা বাসগৃহৰ চৌহদত থকা ভৰালঘৰৰ তলত সোমাই যায় ফলত দুজন লোকৰ থিতাতে নিহত হোৱাৰ লগতে এজন লোক গুৰুতৰভাৱে আহত হয়।
জানিব পৰা মতে, বিশ্বজিৎ বনিয়া, সিদ্ধাৰ্থ হাজৰিকা আৰু পিংকু বনিয়া নামৰ তিনি যুৱকে দেওবাৰে নিশা ভাওনা চাই ঘৰলৈ উভতি আহি আছিল। কিন্তু ভাওনা চাই উভতাৰ পথত বাহনখনৰ নিয়ন্ত্ৰণ হেৰুৱাই ফলত বিশ্বজিৎ বনিয়া আৰু সিদ্ধাৰ্থ হাজৰিকাৰ থিতাতে নিহত হয় । এই দুৰ্ঘটনাত পিংকু বনিয়া নামৰ লোকজন গুৰুতৰভাৱে আহত হয়।
আহত পিংকু বনিয়া নামৰ লোকজনক যোৰহাট মেডিকেল কলেজ হাস্পতালত ভৰ্তি কৰোৱা হয়। দুৰ্ঘটনাত পতিত হোৱা আটাইকেইজন যুৱকৰ ঘৰ ধলাজানত বুলি জানিব পৰা গৈছে।
এই ঘটনাক কেন্দ্ৰ কৰি সমগ্ৰ ধলাজান অঞ্চলত এক শোকাকুল পৰিৱেশে বিৰাজ কৰিছে।
লগতে পঢ়ক :Six killed in a Road accident in Tenkasi : তীব্ৰবেগী চিমেন্ট ভৰ্তি ট্ৰাক আৰু যাত্ৰী ভৰ্তি বাহনৰ মাজত মুখামুখি সংঘৰ্ষ;নিহত ৬জনকৈ লোক