জামুগুৰিহাট,২নৱেম্বৰ : দীপাৱলীৰ আনন্দ উল্লাহৰ মাজতে শুকুৰবাৰে নিশা জামুগুৰিহাটত ভয়ংকৰ পথ দুৰ্ঘটনা।
জামুগুৰিহাটৰ শান্তিপুৰত নিশা এখন মটৰ চাইকেলে মহতিয়াই নিয়ে পথাচাৰীক। ফলত আহত হয় শিশুসহ চাৰিজনকৈ লোক।চাৰিলেনযুক্ত পথ পাৰ হ’বলৈ ধৰোতেই শৈলেন বৰা নামৰ যুৱকজনক চতিয়া অভিমুখী এখন মটৰ চাইকেলে খুন্দা মাৰে। ফলত তেওঁ গুৰুতৰ ভাৱে আহত হয়। আহত এই শৈলেন বৰা গহপুৰ দক্ষিণ কালাবাৰীৰ পূৱপাৰাৰ বাসিন্দা তথা জামুগুৰি বিদ্যুৎ উপ সংমণ্ডল বিষয়াৰ কাৰ্যালয়।
ইফালে যিখন মটৰ চাইকেলে তেওঁক খুন্দা মাৰে সেই মটৰ চাইকেলত আছিল শিশুসহ ৩ জনকৈ লোক। এই তিনিওজনো গুৰুতৰভাৱে আহত হৈছে। মটৰ চাইকেলত থকা কেইজন ক্ৰমে চতিয়া ঘাঁহিগাঁও ছয়পুৰৰ বাবুল আলি(২২), ৰুবুল আলি(৩০) আৰু মিছ চাহানী আহমেদ(৭)(Road Accident in Jamugurihat)৷
ঘটনা সংঘটিত হোৱাৰ পাছতে আহত চাৰিওজনে জামুগুৰি আৰক্ষীয়ে ততাতৈয়াকৈ ধলাইবিলস্থিত উত্তৰ জামুগুৰি প্ৰাথমিক স্বাস্থকেন্দ্ৰত ভৰ্তি কৰায়৷ দুৰ্ঘটনাগ্ৰস্ত মটৰ চাইকেলখনৰ নম্বৰ এ এছ ০১ ২এএল ০১১২।
লগতে পঢ়ক :Shah Rukh Khan birthday: আজি বলিউদৰ বাদশ্বাহ শ্বাহৰুখ খানৰ জন্মদিন