জামুগুৰিহাট, ৮জানুৱাৰী : এক ভয়ংকৰ পথ দুৰ্ঘটনা । তীব্ৰবেগী আৰ্টিকা বাহন আৰু বাইকৰ মাজত মুখামুখি সংঘৰ্ষ ।থিতাতে নিহত বাইক আৰোহী ।
শোনিতপুৰ জিলাৰ জামুগুৰিহাটত সংঘটিত হৈছে এক ভয়ংকৰ পথ দুৰ্ঘটনা(Road Accident in Jamugurihat) ।
দেওবাৰে নিশা শোনিতপুৰ জিলাৰ জামুগুৰিহাটৰ ধলাইবিলৰ ১৫ নং ৰাষ্ট্ৰীয় ঘাইপথত সংঘটিত হয় এই ভয়ংকৰ পথ দুৰ্ঘটনাটো ৷
জানিব পৰা মতে, তেজপুৰ দিশৰ পৰা তীব্ৰবেগত আহি থকা AS- 12-P-7820 নম্বৰৰ বাইক খনে বিশ্বনাথ চাৰিআলি দিশৰ পৰা আহি থকা AS-12-AB-5535 নম্বৰৰ তীব্ৰবেগী আৰ্টিকা বাহনখনৰ লগত মুখামুখি সংঘৰ্ষ হয় ফলত থিতাতে নিহত হয় বাইক চালক জন লগতে গুৰুতৰভাৱে আহত হয় বাইখনত থকা আন এজন আৰোহী ৷ নিহত যুৱকজন নাম ৰক্তিম ভাগৱতী লগতে আহত যুৱকজনক চাজু বৰা বুলি জানিব পৰা গৈছে ।
এই ভয়ংকৰ দুৰ্ঘটনাৰ পিছতে আহত যুৱক জনক স্থানীয় লোকে ততাতৈয়াকৈ উত্তৰজামুগুৰি গ্ৰাম্য চিকিৎসালয়লৈ প্ৰেৰণ কৰে যদিও আহত যুৱকজনৰ অৱস্থা অতি সংকটজনক হোৱা বাবে উন্নত চিকিৎসৰ বাবে তেজপুৰ চিকিৎসা মহাবিদ্যালয়লৈ প্ৰেৰন কৰে (Road Accident)৷
এই ভয়ংকৰ দুৰ্ঘটনাৰ খবৰ পোৱাৰ পিছতে ঘটনাস্থলীত জামুগুৰি আৰক্ষী উপস্থিত হৈ ঘটনা সন্দৰ্ভত তদন্ত আৰম্ভ কৰাৰ লগতে মৃতদেহটো উদ্ধাৰ কৰি মৰনোত্তৰ পৰীক্ষাৰ বাবে প্ৰেৰণ কৰে ।
আৰক্ষী সূত্ৰে জানিব পৰা মতে নিহত ৰক্তিম ভাগৱতীৰ ঘৰ চতিয়াৰ নাগশংকৰত আৰু আহত চাজু বৰাৰ ঘৰ চতিয়াৰে লিচুবাৰীত ৷
লগতে পঢ়ক : Road Accident : দেৰগাঁৱত ভয়ংকৰ পথ দুৰ্ঘটনা