Regional Actress Jiya Deka Abducted from Guwahati : জীয়া ডেকা নামৰ এগৰাকী অভিনেত্ৰীক অপহৰণ দুৰ্বৃত্তৰ
নিউজ ডেস্ক,১অক্টোবৰ : পুনৰ মহানগৰীত অপহৰণৰ ঘটনা । এইবাৰ অভিনেত্ৰীক অপহৰণ দুৰ্বৃত্তৰ।
মহানগৰীৰ গোটানগৰত সংঘটিত হৈছে এই অপহৰণৰ ঘটনা । জীয়া ডেকা নামৰ এগৰাকী অভিনেত্ৰীক অপহৰণ দুৰ্বৃত্তৰ(Regional Actress Jiya Deka Abducted from Guwahati)।
জানিব পৰা মতে, ধাৰাবাহিকত অভিনয় কৰা অভিনত্ৰী জীয়া ডেকা সোমবাৰে পুৱাই ওলাই গৈছিল কামৰ বাবে । নিশাৰ ভাগত ঘৰলৈ ওভতাৰ পথত 27 নং ৰাষ্ট্ৰীয় ঘাইপথত থকা ৰেডিচন ব্লু হোটেলৰ সমীপৰ পৰা তেওঁক অপহৰণ কৰে দুৰ্বত্তই । AS 22 Y 9596 নম্বৰৰ এখন ছুইফ্ট বাহনেৰে দুৰ্বৃত্তই অপহৰণ কৰে জীয়া ডেকাক । স্বামীয়ে দেখা পাই গাড়ীখন আগভেটি ধৰে যদিও চাৰিজনীয়া দুৰ্বৃত্তই তেওঁক খুন্দা মাৰি জীয়া ডেকাক লৈ যাবলৈ সক্ষম হয় ।
এই ঘটনাৰ পিছত অভিনেত্ৰীগৰাকীৰ স্বামীয়ে গড়চুক থানাৰ আৰক্ষীক অৱগত কৰে যদিও বৰ্তমানেও কোনো সন্ধান পোৱা হোৱা নাই অভিনেত্ৰীগৰাকীৰ ।
উল্লেখ্য যে, ৰেডিচন ব্লুৰ সমীপৰ নবোদয় কলনীত স্বামী আৰু দুবছৰীয়া সন্তানৰ সৈতে দীৰ্ঘদিন ধৰি বাস কৰই আছিল জীয়া ডেকাই ।
লগতে পঢ়ক :National Pension System Diwas: আজি ৰাষ্ট্ৰীয় পেন্সন নীতি দিৱস