Rangia police arrest father-son duo in major drug bust : ৰঙিয়াত পিতা-পুত্ৰই চলাইছে ড্ৰাগছৰ ৰমৰমীয়া ব্যৱসায়
নিউজ ডেস্ক, ১৭ ফেব্ৰুৱাৰী : এইবাৰ পিতা -পুত্ৰ নামিছে ড্ৰাগছ ব্যৱসায়ত । ৰঙিয়াত পিতা পুত্ৰই চলাইছে ড্ৰাগছৰ ৰমৰমীয়া ব্যৱসায় ।
ৰাজ্যত অব্যাহত আছে নিচাজাতীয় সামগ্ৰীৰ সৰবৰাহ । হিমন্ত বিশ্ব শৰ্মাৰ চৰকাৰখনে শাসনলৈ আহিয়েই ড্ৰাগছ আৰু নিচাজাতীয় সামগ্ৰীৰ সৰবৰাহকাৰীৰ বিৰুদ্ধে যি হুংকাৰ দিছিল তাক ওফৰাই এতিয়াও ড্ৰাগছৰ ব্যৱসায় অব্যাহত ৰাখিছে একাংশ দুষ্টচক্ৰই(Rangia police arrest father-son duo in major drug bust) ।
আনহাতে ড্ৰাগছৰ বিৰুদ্ধে অব্যাহত আছে আৰক্ষীৰ নিৰৱিচ্ছিন্ন অভিযান । ড্ৰাগছৰ বিৰুদ্ধে অসম আৰক্ষীয়ে কঠোৰ স্থিতি গ্ৰহণ কৰি থকাৰ সময়তে চলি আছে ড্ৰাগছৰ ৰমৰমীয়া বেহা। আৰক্ষী যিমানে সষ্টম হৈছে সিমানে অপৰাধ আৰু অপৰাধীৰ সংখ্যাও বৃদ্ধি হৈ গৈ আছে। ৰাজ্যৰ বিভিন্ন স্থানলৈ নিতৌ সৰবৰাহ হৈ আছে মাৰাত্মক সামগ্ৰীৰ । একাংশ দুষ্ট চক্ৰই কৰি আছে ইয়াৰ সৰবৰাহ । ড্ৰাগছৰ লগতে একাংশ দুষ্ট চক্ৰই সৰবৰাহ কৰি আছে নিচাজাতীয় সামগ্ৰীৰ । চৰকাৰে যি নিচামুক্ত অসম গঢ়াৰ কথা কৈছিল তাক যেন উফৰাই পেলাইছে একাংশই ।
এইবাৰ ৰঙিয়াত ড্ৰাগছৰ ৰমৰমীয়া বেহা । দিনে নিশাই পিতা পুত্ৰই চলাইছে ড্ৰাগছৰ ৰমৰমীয়া বেহা ।
শুক্ৰবাৰে নিশা ৰঙিয়া আৰক্ষীৰ ড্ৰাগছ বিৰোধী অভিযান ৷ অভিযানত ৰঙিয়াৰ বালাগাঁৱত । অভিযানত উদ্ধাৰ দুটা চাবোনৰ বাকচসহ ২২.৩৯ গ্ৰাম হেৰ’ইন ৷ লগতে ড্ৰাগছৰ ব্যৱসায়ত জড়িত পিতা-পুত্ৰক আটক কৰে ৰঙিয়া আৰক্ষীয়ে । আটক কৰা লোক দুজন ৰঙিয়াৰ বালাগাঁৱৰ ইছাহক আলী, আছলাম হুছেইন বুলি জানিব পৰা গৈছে(Rangia police arrest father-son duo in major drug bust) ।
ধৃত পিতা পুত্ৰৰ আৰক্ষীৰ আগত স্বীকাৰোক্তিৰ ভিত্তিত ড্ৰাগছৰ ব্যৱসায় চলাবলৈ স্থানীয় জেহেৰুল আলীয়ে বিত্তীয় সাহাৰ্য আগবঢ়াই আহিছে বুলি জানিবলৈ দিয়ে । লগে লগে আৰক্ষীয়ে জেহেৰুল আলীৰ ঘৰত অভিযান চলায় । আৰক্ষীৰ উমান পাই পলায়ন কৰে জেহেৰুল আলী নামৰ লোকজনে । কিন্তু আৰক্ষীয়ে জেহেৰুল আলীৰ গৃহৰ পৰা ৩ লাখ, ৬৫ হাজাৰ, ৫০০ টকা জব্দ কৰে । আৰক্ষীয়ে ইতিমধ্যে ঘটনা সন্দৰ্ভত তদন্ত অব্যাহত ৰাখিছে ।
লগতে পঢ়ক : Infant Found Dead : পাষাণ লোকৰ নিকৃষ্ট কাণ্ড !ষঠ পূজা ঘাটত উদ্ধাৰ নৱজাতকৰ মৃতদেহ