ৰঙিয়া: অপৰাধীৰ ৰম্যভূমিত পৰিণত হৈছে ৰঙিয়া। প্ৰতিদিনেই এটাৰ পিছত এটাকৈ অপৰাধ জনিত কাৰ্য্যকালাপে জোকাৰিছে এতিয়া সমগ্ৰ ৰঙিয়া। বুধবাৰে দিনৰ ভাগত ৰঙিয়া কলেজ ৰোডৰ ঈদগাহ ময়দানৰ সন্মুখত ঘন জংগলত এজন অচিনাক্ত যুৱকৰ মৃতদেহ উদ্ধাৰ হোৱা ঘটনাৰ ৰহস্য মাৰ নাযাওতেই পুনৰ নিশা ৰঙিয়াত গুলীচলনাৰ ঘটনা। ৰঙিয়াৰ সমীপৰ জামতোলাত অচিনাক্ত দুৰ্বৃত্তই গুলীয়ালে ব্যৱসায়ীক।একজাই গুলী চলাই বাইকত পলায়ণ কৰে দুৰ্বৃত্তই।গুলীচলনাত গুৰুতৰ ভাৱে আহত হয় ৰঙিয়া গোগমালাচাৰ মতলিব আলী ওৰফে বাবু।
উল্লেখযোগ্য যে গুলীবিদ্ধ মতলিব আলী আৰু ছাইদুল বাইট যোগে গৈ আছিল বতাকুছি অভিমুখে ঠিক সেই সময়তে সংঘটিত হৈছিল গুলীচলনাৰ ঘটনা। বৰ্তমান সংকটজনক অৱস্থাত ৰঙিয়াৰ এখন ব্যাক্তিগত চিকিৎসালয়ত ভৰ্তি কৰোৱা হৈছে গুলীবিদ্ধ মতলিব আলী ওৰফে বাবুক। উল্লেখযোগ্য যে আৰক্ষীয়ে ৰঙিয়াত অপৰাধ জনিত কাৰ্য্যকালাপ ৰোধ কৰাৰ বাবে অহৰহ চেষ্টা কৰি আছে যদিও আৰক্ষীক কেৰেপ নকৰি অপৰাধীয়ে ধাৰাবাহিক ভাৱে চলাই গৈছে অপৰাধজনিত কাৰ্য্য কালাপ যাৰ বাবে চিন্তিত হৈ পৰিছে ৰঙিয়াৰ সচেতন মহল।
লগতে পঢ়ক :Watch | Barpeta news: বৈষ্ণৱ ধৰ্ম প্ৰচাৰক মহাপুৰুষ শ্ৰীশ্ৰী হৰিদেৱৰ আজি ৬০০ বছৰীয়া জন্মজয়ন্তী