Qatar confirms Israel-Hamas Truce for Hostages Deal : কাটাৰে ইজৰাইল আৰু হামাছৰ মাজত যুদ্ধবিৰতি কথা নিশ্চিত কৰিছে
ইণ্টাৰনেশ্যনেল ডেস্ক, ২২ নৱেম্বৰ : যুদ্ধবিৰতি ঘোষণা ! কাটাৰে ইজৰাইল আৰু হামাছৰ মাজত যুদ্ধবিৰতি কথা নিশ্চিত কৰিছে(Israel and Hamas agree truce) ।
ইজৰাইল আৰু হামাছৰ মাজত যুদ্ধবিৰতি আৰু বিনিময়ৰ চুক্তি নিশ্চিত কৰি কাটাৰে কয় যে আগন্তুক ২৪ ঘণ্টাৰ ভিতৰত যুদ্ধবিৰতি আৰু বিনিময়ৰ সময় ঘোষণা কৰা হ’ব আৰু এই চুক্তি চাৰিদিনলৈ চলিব।
কাটাৰৰ বৈদেশিক মন্ত্ৰালয়ৰ পৰা বুধবাৰে পুৱা দিয়া বিবৃতিটোত এই চুক্তিখনক ইজিপ্ত, আমেৰিকা আৰু কাটাৰৰ মধ্যস্থতাৰ ফলত মানৱীয় যুদ্ধবিৰতিৰ বাবে প্ৰস্তুত কৰা আলোচনাৰ বিষয়েও কোৱা হৈছে ।
এক বিবৃতিত কাটাৰ প্ৰশাসনে যে , ‘অহা ২৪ ঘণ্টাৰ ভিতৰত যুদ্ধ বিৰতিৰ আৰম্ভণিৰ সময় ঘোষণা কৰা হ’ব আৰু ই চাৰিদিনলৈ চলিব ।’
বিবৃতিটোত কোৱা হৈছে যে যুদ্ধবিৰতি কেতিয়াৰ পৰা আৰম্ভ হ’ব তাৰ সময় পৰৱৰ্তী ২৪ ঘণ্টাৰ ভিতৰত ঘোষণা কৰা হ’ব (Qatar confirms Israel-Hamas Truce for Hostages Deal)।
আনহাতে, যুদ্ধবিৰতি চাৰি দিন ধৰি চলিব যদিও চৰ্তসাপেক্ষে ইয়াৰ সময়সীমাৰ সম্প্ৰসাৰণ ঘটিব পাৰে । চুক্তিখনত ইজৰাইলৰ কাৰাগাৰত বন্দী হৈ থকা কেইবাগৰাকীও পেলেষ্টাইনী মহিলা আৰু শিশুৰ মুক্তিৰ বিনিময়ত বৰ্তমান গাজা ষ্ট্ৰিপত বন্দী হৈ থকা ৫০ গৰাকী অসামৰিক মহিলা আৰু শিশুক মুক্তি দিয়াও অন্তৰ্ভুক্ত আছে । চুক্তিখন কাৰ্যকৰী কৰাৰ পিছৰ পৰ্যায়ত মুকলি কৰি দিবলগা লোকৰ সংখ্যা বৃদ্ধি কৰা হ’ব(Qatar confirms Israel-Hamas truce for hostages deal, Palestinian prisoners also to be freed) ।
কাটাৰে লগতে কয় যে যুদ্ধবিৰতিৰ ফলত মানৱীয় প্ৰয়োজনীয়তাৰ বাবে নিৰ্ধাৰিত ইন্ধনকে ধৰি অধিকসংখ্যক মানৱতাবাদী কনভয় আৰু সাহায্য সমৰ্থন প্ৰৱেশৰ অনুমতি দিয়া হ’ব । অৱশ্যে এই বিষয়ে কোনো নিৰ্দিষ্ট তথ্য প্ৰকাশ কৰা নাই (Israel and Hamas agree truce; captives, Palestinian prisoners to be freed)।
উল্লেখ্য যে ইয়াৰ পূৰ্বে ইজৰাইলী কেবিনেটে হামাছৰ সৈতে চাৰিদিনীয়া সাময়িক যুদ্ধবিৰতি চুক্তিত অনুমোদন জনায় । ইয়াত প্ৰায় ৫০ গৰাকী বন্দীক মুকলি কৰি দিয়া বিষয়টোও অন্তৰ্ভুক্ত আছে । ইজৰাইলে কৈছে যে হামাছ সন্ত্ৰাসবাদীৰ দ্বাৰা মুকলি কৰা প্ৰতি ১০ গৰাকী বন্দীৰ বাবে অতিৰিক্ত দিনৰ বাবে যুদ্ধবিৰতি বৃদ্ধি কৰিব । ইজৰাইলে লগতে পৰামৰ্শ দিয়ে যে মুকলি কৰা প্ৰথম বন্দী হ’ব মহিলা আৰু শিশু । ইয়াৰ পূৰ্বে ইজৰাইলৰ প্ৰধানমন্ত্ৰী বেঞ্জামিন নেতান্য়াহুৱে কেবিনেটক যুদ্ধবিৰতি সমাপ্ত হোৱাৰ লগে লগে হামাছৰ বিৰুদ্ধে ইজৰাইলী আক্ৰমণ পুনৰ আৰম্ভ কৰাৰো প্ৰতিশ্ৰুতি দিয়ে ।