WATCH | Protest continues against Assam journalist’s arrest : সাংবাদিক আজি বাতৰিৰ শিৰোনাম হৈছে; দুৰ্নীতি,ভ্ৰষ্টাচাৰ,অনিয়মৰ বাতৰি কৰা সাংবাদিক আজি প্ৰতিবাদ কৰিছে
নিউজ ডেস্ক,২৯মাৰ্চ : সাংবাদিক আজি প্ৰতিবাদত নামিছে। সাংবাদিক আজি বাতৰিৰ শিৰোনাম হৈছে। দুৰ্নীতি,ভ্ৰষ্টাচাৰ,অনিয়মৰ বাতৰি কৰা সাংবাদিক আজি প্ৰতিবাদ কৰিছে।
সাংবাদিক দিলোৱাৰ হুছেইন মজুমদাৰক পুনৰ গ্ৰেপ্তাৰৰ পাছতেই ৰাজ্যৰ ভিন্ন প্ৰান্তৰ সাংবাদিকে প্ৰতিবাদ কৰিছে। দুৰ্নীতিৰ বাতৰি কৰিব গৈ আজি জেলৰ ভাত খাব লগা হৈছে সাংবাদিক দিলোৱাৰ হুছেইন মজুমদাৰ। দ্বিতীয়টো গোচৰত গ্ৰেপ্তাৰ কৰিছে পাণবজাৰ আৰক্ষীয়ে।বহু কেইটা ধাৰাত ৰুজু কৰা হৈছে গোচৰ। তাৰভিতৰত ৩০৯(৪) এই ধাৰা অনুসৰি জামিনযোগ্য নহয়। এই ধাৰাত দোষী সাব্যস্ত হ’লে ১০ বছৰ পৰ্যন্ত কাৰাবাস হ’ব পাৰে(Protest continues against Assam journalist’s arrest)।
উল্লেখযোগ্য যে ২৫ মাৰ্চত বেংকৰ তৰফৰ পৰা একে সময়তে দুখন এজাহাৰ দাখিল কৰিছিল । কিন্তু ৰহস্যজনকভাৱে আৰক্ষীয়ে এখন এজাহাৰৰ কথা জনাইছিল । আনখন গোপনে ৰাখিছিল পাণবজাৰ আৰক্ষীয়ে । সাংবাদিকৰ উত্তাল প্ৰতিবাদৰ পিছতে বুধবাৰে সাংবাদিক দিলোৱাৰ হুছেইন মজুমদাৰৰ জামিন মঞ্জুৰ কৰিছিল কামৰূপ জিলা সত্র ন্যায়াধীশৰ আদালতে । আদালতে জামিন আবেদন মঞ্জুৰ কৰিছিল যদিও সন্ধিয়া পাঁচ বজাৰ আগতে বেইল বণ্ড জমা দিব নোৱৰাৰ বাবে গুৱাহাটীৰ কেন্দ্ৰীয় কাৰাগাৰলৈ প্ৰেৰণ কৰা হৈছিল । কাৰাগাৰৰ পৰা মুকলি কৰি দিয়াৰ সময়তে পুনৰ গ্ৰেপ্তাৰ কৰে পানবজাৰ আৰক্ষীয়ে ।
গুৱাহাটীৰ এপেক্স বেংকত সংঘটিত হৈ থকা কেলংকাৰী তথা অনিয়ম সন্দৰ্ভত বেংকৰ পৰিচালন সঞ্চালকক প্ৰশ্ন কৰি বিপদত পৰিছিল সাংবাদিক তথা গুৱাহাটী প্ৰেছ ক্লাবৰ সহকাৰী সম্পাদক দিলোৱাৰ হুছেইন মজুমদাৰ। দিলোৱাৰ হুছেইন মজুমদাৰক গ্ৰেপ্তাৰ কৰাৰ পাছতেই বাটে ঘাটে,শাসক,বিৰোধী সাধাৰণ জনতাৰ মুখে মুখে এতি চৰ্চা হৈছে।
দুৰ্নীতিৰ প্ৰশ্ন যদি সাংবাদিকে নকৰে তেতিয়াহ’লে কোনে কৰিব ? অনিয়মৰ প্ৰশ্ন যদি সাংবাদিকে নকৰে তেতিয়াহ’লে কোনো কৰিব ?
সাংবাদিক দিলোৱাৰ হুছেইনক আক্ৰমণ কৰাৰ পাছতেই ৰাজনৈতিক নেতা সকলেও ধিক্কাৰ দিছে মুখ্যমন্ত্ৰী হিমন্ত বিশ্ব শৰ্মা চৰকাৰক।
কেৱল ৰাজনৈতিক নেতাই নহয়। এগৰাকী প্ৰাক্তম ips বিষয়া। অসমৰ প্ৰথম গৰাকী মহিলা IPS বিষয়াৰ এটা ফেচবুকে পোষ্টে চৰ্চা লাভ কৰিছে। এইগৰাকী প্ৰাক্তন ips বিষয়া ভায়লেট বৰুৱা। ভায়লেট বৰুৱাই ফেচবুক পোষ্টত লিখিছে
এতিয়া আৰক্ষীৰ কাৰ্য্যই, উচিতেই হওক বা অনুচিত, আচল বিষয়টো তল পেলালে। এপেক্স বেঙ্কৰ বিষয়াই সংবাদ মাধ্যমৰ আগত কোৱা মতে ৰাজেশ বাজাজ নামৰ ব্যৱসায়ী এজনে বেঙ্কটোৰ শাখা পৰিচালৰ লগ হৈ বৃহৎ পৰিমাণৰ ধনৰ কেলেঙ্কাৰী কৰিছে যাৰ বাবে ইতিমধ্যে গোচৰ তৰা হৈছে।কিন্তু বেঙ্কটোৰ শাখা পৰিচালক বা অন্যান্য জড়িত সকলৰ ওপৰত বিভাগীয় বিহিত ব্যৱস্থা লোৱা হৈছেনে নাই সেই বিষয়ে কোনো কথা নজনালে।
সাংবাদিক দিলোৱাৰ হুচেইনৰ বিৰুদ্ধে দিয়া SCST (POA) Act ৰ গোচৰত আৰক্ষীয়ে তেওঁক ন ঘন্টা থানাত আৱদ্ধ কৰি নিশা গ্ৰেপ্তাৰ কৰে। সচৰাচৰ দেখা যায় এখন FIR দিয়াৰ পাছত গোচৰৰ বিষয়ে আৰক্ষীয়ে preliminary enquiry কৰি Prima facie sufficient evidence পোৱাৰ পাছতহে গোচৰ পঞ্জীয়ন কৰি বিহিত ব্যৱস্থা লয়। সেইদৰে অভিযুক্তক তাৎক্ষণিক গ্ৰেপ্তাৰ কৰা সন্দৰ্ভত কিছুমান আইনী নিৰ্দেশনা আছে। কিন্তু এনে নীতি নিৰ্দেশনা মানি নচলিলে কেতিয়াবা আদালতেও যেন চকু মুদি সকলো মানি লৈ মাজে মধ্যে চলিব খোজে। বৰ অস্বস্তিকৰ এই পৰিবেশ।
ইয়াৰ মাজতেই হঠাত মন্ত্ৰী পিষুয হাজৰিকাৰ প্ৰশ্ন। একেজন ব্যক্তিয়ে একেলগে সাংবাদিকতা,অধিবক্তা,ব্যৱসায় কেনেকৈ কৰিব পাৰে। মন্ত্ৰী গৰাকীয়ে এই প্ৰশ্নৰ উত্তৰ বিছাৰিলে গুৱাহাটী প্ৰেছ ক্লাৱৰ পৰা
মন্ত্ৰী গৰাকীৰ এই প্ৰশ্নৰ পাছতেই বহুতেই কৈছে এনে সাংবাদিক আৰু বহুত আছে। অধিবক্তাৰ লগতেই সাংবাদিকতা কৰি আছে। মন্ত্ৰী গৰাকীৰ প্ৰশ্নক লৈ আমি ৰাইজৰ মতামত বিছাৰিছিলো। ৰাইজে কি কলে । তাৰে কিছু কমেন্ট আপোনালোকক আগত দাঙি ধৰিছো।
সাংবাদিক দিলোৱাৰ হুছেইন ঘটনাৰ পাছতেই আজিৰ প্ৰজন্মই সাংবাদিক হোৱাৰ সপোন পাহৰি গৈছে। বহুতৰেই সপোন সাংবাদিক হোৱাৰ কিন্তু এনেবোৰ ঘটনাৰ পাছতেই
নৱ প্ৰজন্মই জানো সাংবাদিক হ’ব বিচাৰিব ? এই প্ৰশ্ন ৰাইজলৈ বুলি এৰিলো
লগতে পঢ়ক : WATCH | Sonari News : সোণাৰি নগৰত চাহ জনগোষ্ঠীয় দল-সংগঠনৰ যৌথ সংবাদমেলৰ আয়োজন