Prisoner who escaped from Morigaon district Jail arrested: মৰিগাঁও জিলা কাৰাগাৰৰ পৰা পলায়ন কৰা কয়দীক কৰায়ত্ত;অন্ধ্ৰপ্ৰদেশৰ তিৰুপতি জিলাৰ পৰা কৰায়ত্ত কয়দীক
নিউজ ডেস্ক,৩নৱেম্বৰ : মৰিগাঁও জিলা কাৰাগাৰৰ পৰা পলায়ন কৰা কয়দীক কৰায়ত্ত। অন্ধ্ৰপ্ৰদেশৰ তিৰুপতি জিলাৰ পৰা কৰায়ত্ত কৰে কয়দীটোক।কৰায়ত্ত কৰা কয়দীটো শোণিতপুৰৰ মহম্মদ জয়নাল ইছলাম।দীৰ্ঘদিন ধৰি আত্মগোপন কৰি আছিল মহম্মদ জয়নাল ইছলামে। এতিয়াও পলাতক আন দুই কয়দী(Prisoner who escaped from Morigaon district Jail arrested)।
উল্লেখ্য যে, ১১ অক্টোবৰৰ নিশা মৰিগাঁও জিলা কাৰাগাৰৰ পৰা পাঁচ জনকৈ POCSO গোচৰত কাৰাবাস খাটি থকা অপৰাধীয়ে পলায়ন কৰিছিল।তিনি তৰপীয়া নিৰাপত্তা বেষ্টনী ভাঙি মৰিগাঁও জিলা কাৰাগাৰৰ পৰা পলায়ন কৰিছিল ৫টা কয়দীয়ে। লোৰ গ্ৰীলৰ বেৰেক ভঙাৰ পাছত দুখন দেৱাল বগাই পলায়ন কৰিছিল চাইফুদ্দিন, জীয়াৰুল ইছলাম, নুৰ ইছলাম, আব্দুল ৰচিদ আৰু মফিদুল ইছলাম নামৰ কয়দীকেইটাই। মৰিগাঁৱৰ বন বিভাগৰ কাৰ্যালয়ৰ সন্মুখত থকা কাৰাগাৰৰ সুউচ্চ দেৱালত লুঙি, বেডকভাৰ আৰু কম্বলেৰে প্ৰস্তুত কৰা ৰচীৰে কাৰাগাৰৰ পৰা পলায়ন কৰিছিল এই অপৰাধীকেইজনে।
ইতিমধ্যে কাৰাগাৰৰ পৰা পলায়ন কৰা অপৰীকেইজনৰ ভিতৰত আব্দুল ৰছিদ নামৰ পলাতক অপৰাধীজনৰ মৃতদেহ উদ্ধাৰ হৈছে।
লগতে পঢ়ক:4 Bangladeshis detained :ত্ৰিপুৰাৰ ভাৰত-বাংলাদেশ সীমান্ত আটক ৪ বাংলাদেশীক