Subhalakshmi Dutta case : সন্ধানহীন নিলম্বিত আৰক্ষী বিষয়া শুভলক্ষ্মী দত্ত;গুৱাহাটীৰ পাৰ্লে এপাৰ্টমেণ্টত আৰক্ষীৰ পহৰা
নিউজ ডেস্ক,৬ ছেপ্টেম্বৰ : আৰক্ষী বিষয়া শুভলক্ষ্মী দত্ত পলাতক অৱস্থাত । শুভলক্ষ্মীক বিচাৰি বিভিন্ন ঠাইত অভিযান শিৱসাগৰ আৰক্ষীৰ । আজিও শুভলক্ষ্মীক বিচাৰি অভিযান অব্যাহত আৰক্ষীৰ। হঠাৎ অন্তৰ্ধান হ’ল আৰক্ষী বিষয়াগৰাকী ।
বিতৰ্কত ASP শুভলক্ষ্মী দত্ত । বনকৰা মহিলাক চলোৱাৰ অভিযোগত বিতৰ্কত সোমাইছিল ASP শুভলক্ষ্মী । জোকাৰি গৈছিল ৰাজ্য । সৃষ্টি হৈছিল তীব্ৰ প্ৰতিক্ৰিয়াৰ ।বন কৰা মহিলাক নিৰ্যাতন চলোৱাৰ অভিযোগ উত্থাপন হোৱাৰ পিছতে ৩০ আগষ্টত হেডকোৱাৰ্টাৰ ক্লজ কৰা হৈছিল শুভলক্ষ্মীক । তাৰ পিছত নিলম্বন কৰা হৈছিল ASP গৰাকীক ।
মঙলবাৰে শুভলক্ষ্মীক বিচাৰি গুৱাহাটীত উপস্থিত হৈছিল শিৱসাগৰ আৰক্ষীৰ দল। প্ৰাক্তন বিধায়ক কুশল দুৱৰীৰ ঘৰত আৰক্ষীয়ে চলাইছিল অভিযান। বিধায়কগৰাকীৰ ছয়মাইলস্থিত বাসগৃহত আৰক্ষীয়ে চলাইছিল অভিযান। বিধায়কগৰাকীৰ ঘৰত শুভলক্ষ্মী দত্তই আত্মগোপন কৰি থকাৰ সন্দেহত চলাইছিল অভিযান। আৰক্ষী অহাৰ উমান পাই আৰক্ষীৰ চকুত ধূলি দি পলায়ন শুভলক্ষ্মীৰ(Subhalakshmi Dutta case) ।
আজিও পলাতক অৱস্থাত আছে শুভলক্ষ্মী দত্ত। ASP গৰাকীক বিচাৰি মহানগৰীত শিৱসাগৰ আৰক্ষী আৰু মহানগৰ আৰক্ষীৰ যুতীয়া অভিযান। মহানগৰীত থকা আত্মীয়ৰ বাসগৃহত আৰক্ষী উপস্থিত হৈ শুভলক্ষীৰ সন্ধানত তীব্ৰতৰ কৰি তুলিছে(police officer subhalakshmi dutta accused of torturing house help) ।
আনহাতে নিশা কুশল দুৱৰীৰ ফ্লেটৰ পৰা উলাই ওৱাল পাৰ হোৱাৰ এক দৃশ্যও ইতিমধ্যে সামাজিক মাধ্যমত ভাইৰেল হৈ পৰিছে । আৰক্ষীৰ জোৰদাৰ অভিযানলৈ প্ৰত্যক্ষ কৰি এতিয়া শুভলক্ষী দত্ত গ্ৰেপ্তাৰ হোৱাতো এক প্ৰকাৰে নিশ্চিত হৈ পৰিছে। গুৱাহাটীৰ পাৰ্লে এপাৰ্টমেণ্টত এতিয়াও পহৰা আৰক্ষীৰ।
এতিয়াই প্ৰশ্ন হ’ল আৰক্ষী অভিযানৰ সময়তে কেনেকৈ পলাল শুভলক্ষ্মী দত্ত ? শুভলক্ষ্মী দত্তৰ লগতে সন্ধান নাই মাতৃ-কন্যাৰো।’গ্ৰেপ্তাৰৰ ভয়ত ক’ত লুকাই আছে বিতৰ্কিত ASP শুভলক্ষ্মী দত্ত?
লগতে পঢ়ক : Subhalakshmi Dutta case : যিকোনো মুহূৰ্ততে গ্ৰেপ্তাৰ হোৱাৰ সম্ভাৱনা শুভলক্ষ্মী দত্ত !