PM Modi Highlights Assam’s Historic Charaideo Moidam in Mann Ki Baat : ১১২সংখ্যক মন কি ‘বাত’ত চৰাইদেউ মৈদামৰ প্ৰসংগ প্ৰধানমন্ত্ৰী নৰেন্দ্ৰ মোদীৰ
নিউজ ডেস্ক,২৮জুলাই : দেওবাৰে প্ৰধানমন্ত্ৰী নৰেন্দ্ৰ মোদীয়ে তেওঁৰ মাহেকীয়া ৰেডিঅ’ অনুষ্ঠান মন কি বাতৰ ১১২ সংখ্যক খণ্ডত চৰাইদেউ মৈদামৰ ওপৰত আলোচনা কৰে । মন কী বাতত প্ৰধানমন্ত্ৰীগৰাকীয়ে অসমৰ চৰাইদেউ মৈদামৰ বিষয়ে কথা পতাৰ লগতে ভাৰতৰ এই নৱতম বিশ্ব ঐতিহ্য ক্ষেত্ৰলৈ পৰ্যটকসকলক আমন্ত্ৰণ জনায়(PM Modi highlights Charaideo Moidam of Assam in 112th Mann Ki Baat)।
‘মন কি বাত’ অনুষ্ঠানত প্ৰধানমন্ত্ৰী মোদীয়ে কয়, “ইউনেস্কোৰ বিশ্ব ঐতিহ্য ক্ষেত্ৰত অসমৰ চৰাইদেউ মৈদামক অন্তৰ্ভুক্ত কৰা হৈছে । এইটো ভাৰতৰ ৪৩ নম্বৰ স্থান হ’ব কিন্তু উত্তৰ পূৰ্বাঞ্চলৰ প্ৰথম স্থান । এইখন আছিল আহোম ৰাজবংশৰ প্ৰথম ৰাজধানী । আহোম ৰাজবংশৰ লোকসকলে পৰম্পৰাগতভাৱে তেওঁলোকৰ পূৰ্বপুৰুষৰ মৃতদেহ আৰু তেওঁলোকৰ মূল্যৱান সামগ্ৰী মৈদামত ৰাখিছিল ।”
প্ৰধানমন্ত্ৰীয়ে কয়, “মৈদাম হৈছে এক পাহাৰৰ দৰে অংশ যাক ওপৰত মাটিৰে আবৃত কৰা হয় আৰু তলত এক বা একাধিক কোঠা থাকে । এয়া হৈছে স্বৰ্গীয় ৰজা আৰু আহোম সাম্ৰাজ্যৰ বিশিষ্ট লোকসকলৰ প্ৰতি সন্মানৰ প্ৰতীক ।” প্ৰধানমন্ত্ৰীয়ে কয়,”এগৰাকী পূৰ্বপুৰুষৰ প্ৰতি সন্মান দেখুওৱাৰ এই পদ্ধতি অতি অনন্য । এই স্থানত সামূহিক উপাসনাও কৰা হৈছিল ।
চলিত বছৰৰ আৰম্ভণিতে চৰাইদেউ মৈদামত প্ৰতিমূৰ্তি উন্মোচন কৰাৰ কথা স্মৰণ কৰি প্ৰধানমন্ত্ৰী মোদীয়ে কয়, “চলিত বৰ্ষৰ ৯ মাৰ্চত সাহস আৰু সাহসিকতাৰ প্ৰতীক অসমৰ বীৰ যোদ্ধা লাচিত বৰফুকনৰ আটাইতকৈ ওখ প্ৰতিমূৰ্তি উন্মোচন কৰাৰ সৌভাগ্য হৈছিল । আপুনিও ভৱিষ্যতে আপোনাৰ ভ্ৰমণ পৰিকল্পনাত নিশ্চিতভাৱে এই স্থান অন্তৰ্ভুক্ত কৰা উচিত(PM Modi Highlights Assam’s Historic Charaideo Moidam in Mann Ki Baat) ।”