গোৱালপাৰা,১মে’ : ৫৫ নং বুদ্ৰচৰ গাঁও পঞ্চায়তৰ অন্তৰ্গত ৬ নং মামুদপুৰ, বৰকান্দা, আৰু শান্তিপুৰ নিগম বাৰ্ডৰ ৰাইজৰ মনোনীত সদস্যা পদৰ নিৰ্বাচনত প্ৰাৰ্থী জেছমিন চুলতানাৰ প্ৰচাৰে এতিয়া জোৰদাৰ গতি লাভ কৰিছে।
আজি জেছমিন চুলতানাই প্ৰায় দুই হেজাৰ ৰাইজৰ সমৰ্থনত এখন বিশাল ৰেলিৰ আয়োজন কৰে। এই ৰেলিত ৬০খন চাৰিচকীয়া বাহন আৰু ২০০খন ই-ৰিক্সাৰে অঞ্চলটোৰ ভোটাৰসকলৰ মন জয় কৰিবলৈ সফল প্ৰয়াস কৰে। ৰেলিয়ে অঞ্চলটোত এক উৎসাহময় পৰিৱেশৰ সৃষ্টি কৰিছে, আৰু ৰাইজৰ মাজত জেছমিনৰ প্ৰতি সমৰ্থন ক্ৰমাৎ বৃদ্ধি পাইছে(Panchayat Election)।
জেছমিন চুলতানাই নিজৰ প্ৰচাৰৰ সময়ত অঞ্চলৰ বিভিন্ন জ্বলন্ত সমস্যাৰ কথা তুলি ধৰিছে। তেওঁ কয়, “মোৰ মূল লক্ষ্য হৈছে ৰাইজৰ সমস্যাসমূহৰ সমাধান কৰা। মই নিৰ্বাচিত হ’লে ৰাইজক লগত লৈ এই অঞ্চলৰ উন্নয়নৰ বাবে নিৰন্তৰ কাম কৰিম।” তেওঁৰ এই প্ৰতিশ্ৰুতি আৰু ৰাইজৰ সৈতে সৰল সংযোগে ভোটাৰসকলৰ মনত ইতিবাচক প্ৰভাৱ পেলাইছে।
জেছমিন চুলতানাৰ এই উৎসাহময় প্ৰচাৰ আৰু জনসাধাৰণৰ সমৰ্থনে ৫৫ নং বুদ্ৰচৰ গাঁও পঞ্চায়তৰ নিৰ্বাচনী পৰিৱেশক অধিক গতিশীল কৰি তুলিছে। ৰাইজে আশা কৰিছে যে জেছমিনৰ নেতৃত্বত অঞ্চলটোৰ উন্নয়নৰ নতুন দিশ মুকলি হ’ব।
লগতে পঢ়ক : WATCH | Panchayat Election : কাইলৈ ৰাজ্যত প্ৰথম পঞ্চায়ত নিৰ্বাচন